କଟକ : କଳିଙ୍ଗ ଷ୍ଟାଡ଼ିୟମରେ ଚାଲିଥିବା କଳିଙ୍ଗ ସୁପର କପ୍ ଫୁଟବଲ ପ୍ରତିଯୋଗିତାର ଶୁକ୍ରବାର ଗ୍ରୁପ-ଡି ର ଦୁଇଟି ମ୍ୟାଚ ଖେଳାଯାଇଥିଲା। ଏଥିରେ ଏଫ୍ସି ଗୋଆ ଓ ଓଡ଼ିଶା ଏଫ୍ସି ବିଜୟୀ ହୋଇଛନ୍ତି। ପ୍ରଥମ ମ୍ୟାଚରେ ଏଫ୍ସି ଗୋଆ ୨-୧ ଗୋଲରେ ଇଣ୍ଟର କାଶୀକୁ ପରାସ୍ତ କରିଛି। ଏଫ୍ସି ଗୋଆ ପକ୍ଷରୁ ୫୫ ମିନିଟ୍ରେ ଏନ୍ ସାଦାଉଲ୍ ପ୍ରଥମ ଓ ୬୬ ମିନିଟ୍ରେ ସି ମାର୍ଟିନେଜ୍ ଦ୍ବିତୀୟ ଗୋଲ ଦେଇଥିଲେ।
ଇଣ୍ଟର କାଶୀ ପକ୍ଷରୁ ଜି ନିକୁମ ୭୮ ମିନିଟ୍ରେ ଏକମାତ୍ର ଗୋଲ ଦେଇଥିଲେ। ଦ୍ବିତୀୟ ମ୍ୟାଚରେ ଓଡ଼ିଶା ଏଫ୍ସି ୧-୦ ଗୋଲରେ ବେଙ୍ଗାଲୁରୁ ଏଫ୍ସିକୁ ପରାସ୍ତ କରିଛି। ଓଡ଼ିଶା ଏଫ୍ସି ପକ୍ଷରୁ ୨୨ ମିନିଟ୍ରେ ଏ ଜାହୁଆ ଗୋଲ ଦେଇ ଦଳକୁ ୧-୦ରେ ଆଗୁଆ କରିଥିଲେ। ପ୍ରଥମାର୍ଦ୍ଧ ସୁଦ୍ଧା ଓଡ଼ିଶା ଏଫ୍ସି ୧-୦ରେ ଆଗୁଆ ରହିଥିଲା। ଦ୍ବିତୀୟାର୍ଦ୍ଧରେ ଉଭୟ ଦଳ କେହି କାହାରିକୁ ଗୋଲ ଦେବାରେ ସଫଳ ହୋଇନଥିଲେ। ଏହି ବିଜୟ ସହ ଓଡ଼ିଶା ଏଫ୍ସି ୩ ପଏଣ୍ଟ ପାଇ ଖାତା ଖୋଲିଛି।
Comments are closed.