ଲକ୍ଷ୍ନୌ: ସ୍ବାମୀଙ୍କର ଅସନା ପ୍ରକୃତିରେ ବୀତସ୍ପୃହ ହୋଇ ଉତ୍ତର ପ୍ରଦେଶ ଆଗ୍ରା ସହରର ଜଣେ ମହିଳା ବିବାହର ମାତ୍ର ୪୦ ଦିନ ପରେ ତାଙ୍କୁ ଛାଡପତ୍ର ଦେଇଥିବା ଜଣାପଡିଛି। ମହିଳାଙ୍କ ଅଭିଯୋଗ ଅନୁଯାୟୀ ତାଙ୍କ ସ୍ବାମୀ ମାସରେ ମାତ୍ର ଥରେ ସ୍ନାନ କରନ୍ତି। ଫଳରେ ତାଙ୍କ ଶରୀରରୁ ପ୍ରବଳ ଦୁର୍ଗନ୍ଧ ବାହାରୁଥିବାରୁ ତାଙ୍କ ସହ ଚଳିବା କଷ୍ଟକର ହୋଇପଡୁଥିବା ସେ ଅଭିଯୋଗ କରିଛନ୍ତି। ଏହାକୁ ନେଇ ପତି ପତ୍ନୀଙ୍କ ମଧ୍ୟରେ ବାରମ୍ବାର ଯୁକ୍ତିତର୍କ ଓ ଗଣ୍ଡଗୋଳ ଘଟୁଥିଲା। ଦୈନିକ ସ୍ନାନ କରିବା ପରିବର୍ତ୍ତେ ସ୍ବାମୀ ସପ୍ତାହକୁ ଥରେ ଶରୀରରେ ଗଙ୍ଗାପାଣି ଛିଞ୍ଚି ନିଜକୁ ପବିତ୍ର ବୋଲି ଦର୍ଶାଉଥିବା ମହିଳା ଜଣକ କହିଛନ୍ତି। ୪୦ ଦିନର ବୈବାହିକ ଜୀବନରେ ସ୍ବାମୀ ମାତ୍ର ଚାରି ଥର ସ୍ନାନ କରିଥିବା ସେ ଅଭିଯୋଗ କରିଛନ୍ତି। ସ୍ବାମୀଙ୍କର ଏଭଳି ଗୁଣ ବଦଳାଇବାକୁ ଶତ ଚେଷ୍ଟା କରି ବିଫଳ ହେବାପରେ ମହିଳା ଜଣକ ଛାଡପତ୍ର ଦେଇ ବାପଘରକୁ ଚାଲିଯାଇଛନ୍ତି।
Popular Categories
Previous article
Next article