୫ ବର୍ଷ ପାଇଁ ଦିଆଯିବ କଳିଙ୍ଗ ସମ୍ମାନ

ଭୁବନେଶ୍ୱର: ବିଜ୍ଞାନକୁ ଲୋକପ୍ରିୟ କରିବାରେ ଅବଦାନ ପାଇଁ କଳିଙ୍ଗ ଫାଉଣ୍ଡେସନ ଟ୍ରଷ୍ଟ ପକ୍ଷରୁ ୫ଜଣଙ୍କୁ କଳିଙ୍ଗ ସମ୍ମାନରେ ସମ୍ମାନୀତ କରାଯିବ। ୨୦୧୫ରୁ ୨୦୧୯ବର୍ଷ ଅର୍ଥାତ ୫ ବର୍ଷ ପାଇଁ ଏହି ସମ୍ମାନ ପ୍ରଦାନ କରାଯିବ। ଶନିବାର ମାର୍ଚ୍ଚ ୨ରେ ରାଜ୍ୟ ସଚିବାଳୟଠାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ସମ୍ମାନ ପ୍ରଦାନ କରିବେ। ୨୦୧୫ ପାଇଁ ବୈଜ୍ଞାନିକ ତଥା ଶିକ୍ଷାବିତ୍‍ ଡ. ପ୍ରଫୁଲ୍ଲ କୁମାର ଜେନା, ୨୦୧୬ ପାଇଁ ଡକ୍ଟର ଦ୍ୱିଜେଶ କୁମାର ପଣ୍ଡା, ୨୦୧୭ ପାଇଁ ଡକ୍ଟର ଜ୍ଞାନଦେବ ମହାରଣା, ୨୦୧୮ ପାଇଁ ଡକ୍ଟର ବିରେନ୍ଦ୍ର କିଶୋର ଦାସ ଏବଂ ୨୦୧୯ ବର୍ଷ ପାଇଁ ଡକ୍ଟର ନିମାଇଁ ଚରଣ ପଣ୍ଡାଙ୍କୁ ଏହି ସମ୍ମାନରେ ସମ୍ମାନୀତ କରାଯିବ। ଏଥିରେ ପୁରସ୍କାର ବାବଦକୁ ଏକ ଲକ୍ଷ ଟଙ୍କା, ପ୍ରଶସ୍ତି ପତ୍ର ଓ ଫଳକ ପ୍ରଦାନ କରାଯାଇଥାଏ।