କଲମପୁର: କଲମପୁର ବ୍ଲକ ଅଧିନସ୍ଥ କୋଟଗାଁ ପଂଚାୟତର ଅସ୍ଥାୟୀ କାର୍ଯ୍ୟାଳୟଠାରେ ସୋମବାର ଜନ ଅଭିଯୋଗ ଶୁଣାଣୀ ଏବଂ ସମାଧାନ ଶିବିର ଅନୁଷ୍ଠିତ ହୋଇଯାଇଛି। ଏଥିରେ ସରପଞ୍ଚ ଚନ୍ଦନ ପଣ୍ଡା ଅଧ୍ୟକ୍ଷତା କରିଥିବା ବେଳେ ବିଡିଓ ବିଜୟ କୁମାର ମାଣ୍ଡାଙ୍ଗି, ତହସିଲଦାର ରୁଦ୍ର ମୋହନ ନାୟକ ଏବଂ ଗୋଷ୍ଠୀ ସାମାଜିକ ସୁରକ୍ଷା ଅଧିକାରୀ ଖିତିସୂତା ମେହେର ପ୍ରମୁଖ ଯୋଗଦେଇ ହିତାଧିକାରୀଙ୍କ ଅଭିଯୋଗ ଗ୍ରହଣ କରିଥିଲେ। ବଲାଗାଁ ପ୍ରାଥମିକ ବିଦ୍ୟାଳୟ ଶ୍ରେଣୀ କୋଠରୀର ଅବସ୍ଥା ଦୟନୀୟ। ଯେଉଥିପାଇଁ ବିଦ୍ୟାଳୟରେ ପାଠ ପଢ଼ୁଥିବା କୋମଳମତୀ ଛାତ୍ରଛାତ୍ରୀଙ୍କ ଜୀବନ ପ୍ରତି ବିପଦ ରହିଥିବା ସହ ବିଦ୍ୟାଳୟ କୋଠା ନିର୍ମାଣ ପାଇଁ ଆବଶ୍ୟକ ଜମି ସୁବିଧା ଯୋଗାଇ ଦେବା ପାଇଁ ଉପସ୍ଥିତ ଦୁଇ ଅଧିକାରୀଙ୍କ ନିକଟରେ ବିଦ୍ୟାଳୟ ପରିଚାଳନା କମିଟିର ଅଧ୍ୟକ୍ଷ ନିବେଦନ କରିଥିଲେ। ଏହି ଶିବିରରେ ଆବାସ ଯୋଜନାରେ ସାମିଲ ହେବା ନେଇ ୪୧ ଗୋଟି ଅଭିଯୋଗ ଆସିଥିବା ବେଳେ ସାମାଜିକ ସୁରକ୍ଷା ଯୋଜନା ପାଇଁ ୩ ଗୋଟି ଅଭିଯୋଗ ଦାଖଲ ହେଇଥିଲା। ସର୍ବମୋଟ ୪୫ ଗୋଟି ଅଭିଯୋଗ ଦାଖଲ କରାଯାଇଥିଲା। ଏହି କାର୍ଯ୍ୟକ୍ରମ ପରିଚାଳନାରେ ପଞ୍ଚାୟତର ସମସ୍ତ କର୍ମଚାରୀଙ୍କ ସମେତ ପଞ୍ଚାୟତ ପ୍ରତିନିଧିମାନେ ସକ୍ରିୟ ସହଯୋଗ କରିଥିଲେ।
Popular Categories
Previous article
Next article