କଳାବାଡିଆ: ମୟୁରଭଞ୍ଜ ଜିଲା ଝାରପୋଖରିଆ ଥାନ ଅଧୀନ ପୁନାସିଆ ସୁବର୍ଣ୍ଣରେଖା କେନାଲ ଭିତରେ ଏକ ଟ୍ରାକ୍ଟର ଭାରସାମ୍ୟ ହରାଇ ଖସିପଡ଼ିଛି। ଫଳରେ ଚାଳକଙ୍କ ମୃତ୍ୟୁ ଘଟିଛି।
ସୂଚନା ଅନୁଯାୟୀ, ଗୁରୁବାର ସୁବର୍ଣ୍ଣରେଖା ନଦୀରୁ ବାଲି ନେଇ ଅନଲୋଡ଼ କରି ଫେରିବା ସମୟରେ ଭାରସାମ୍ୟ ହରାଇ ଟ୍ରାକ୍ଟରଟି କେନାଲକୁ ଖସିପଡ଼ିଥିଲା। ତେବେ ବଡ଼ ଷୋଳରୁ ଯାଲଦା ଅଭିମୁଖେ ଆସୁଥିବାବେଳେ ଏହା ଭାରସାମ୍ୟ ହରାଇ ୩୦ ଫୁଟ କେନାଲକୁ ଖସି ପଡିଥିଲା। ସ୍ଥାନୀୟ ଲୋକେ ଚାଳକଙ୍କୁ ଉଦ୍ଧାର କରି ୧୦୮ ଯୋଗେ ପ୍ରଥମେ ଶୀର୍ଷା ମେଡ଼ିକାଲକୁ ନେଇଥିବା ବେଳେ ଅବସ୍ଥା ଗୁରୁତର ହେବାରୁ ବାରିପଦା ପିଆରଏମ ମେଡିକାଲକୁ ସ୍ଥାନାନ୍ତରିତ କରିଥିଲେ। ତେବେ ଚିକିତ୍ସାଧୀନ ଅବସ୍ଥାରେ ଚାଳକଙ୍କ ମୃତ୍ୟୁ ଘଟିଥିବା ଜଣାପଡ଼ିଛି।
