ସମାଜ ଡିଜିଟାଲ ଡେସ୍କ: ପାକିସ୍ତାନ ଗୁପ୍ତଚର ଜ୍ୟୋତି ମାଲହୋତ୍ରାଙ୍କୁ ଗିରଫ କରି ଜେରା କରାଯିବା ପରେ ରିମାଣ୍ଡରେ ନେଇ ସତ ଓଗାଳୁଛି ପୁଲିସ । ଜ୍ୟୋତିଙ୍କୁ ନେଇ ପ୍ରତିଦିନ ନୂଆ ନୂଆ ଖୁଲାସା ହେଉଥିବା ବେଳେ ଏବେ ଆଉ ଏକ ରାଜ ପଦାକୁ ଆସିଛି । ପାକିସ୍ତାନ ଗୁପ୍ତଚର ଅଭିଯୋଗରେ ତାଙ୍କୁ ଗିରଫ କରାଯାଇ ତଦନ୍ତ ଚାଲୁଥିବା ବେଳେ ଏବେ ନୂଆ ଟୁଇଷ୍ଟ ସାମ୍ନାକୁ ଆସିଛି । ଏବେ ଜଣାପଡିଛି ଯେ ୟୁଟ୍ୟୁବର ଜ୍ୟୋତି ମାଲହୋତ୍ରା ପହଲଗାଓଁ ଆକ୍ରମଣର କିଛଇ ଦିନ ପୂର୍ବରୁ ପାକିସ୍ତାନ ଯାଇଥିଲେ । ଏହାସହିତ ଆତଙ୍କବାଦୀଙ୍କ ଆକ୍ରମଣ ପୂର୍ବରୁ ସେ ପହଲଗାଓଁ ମଧ୍ୟ ଯାଇଥିଲେ । ଆହୁରି ମଧ୍ୟ ଖୁଲାସା ହୋଇଛି କି ଜ୍ୟୋତି ଚୀନ ମଧ୍ୟ ଯାଇଥିଲେ ।
ତଦନ୍ତ ବେଳେ ଜଣାପଡିଛି ଯେ ଏପ୍ରିଲରେ ହୋଇଥିବା ପହଲଗାଓଁ ଆକ୍ରମଣର ତିନି ମାସ ପୂର୍ବରୁ ଜ୍ୟୋତି ପାକିସ୍ତାନ ଯାଇଥିଲେ । ଏହାସହିତ ଜଣାପଡିଛି ଯେ ପାକିସ୍ତାନୀ ଉଚ୍ଚାୟୋକ୍ତର ଏକ କର୍ମଚାରୀ ଦାନିଶ ଜ୍ୟୋତିଙ୍କୁ ହନିଟ୍ରାପରେ ଫସାଇଥିଲେ । କୁହାଯାଉଛି ଯେ ଦାନିଶ ପାକିସ୍ତାନ ଆଇଏସଆଇ ସହିତ ଜଡିତ । ଦାନିଶର ଇସାରାରେ ପାକିସ୍ତାର ଗୁପ୍ତଚର ଭାବେ ଜ୍ୟୋତି କାମ କରୁଥିବା ଅଭିଯୋଗ ହୋଇଛି । ପାକିସ୍ତାନର ଏଜେନ୍ସି ଆଇଏସଆଇକୁ ସମ୍ବେଦନଶୀଳ ସୂଚନା ଦେବା ଅଭିଯୋଗରେ ଗିରଫ କରାଯାଇଛି ।
