ସମାଜ ଡିଜିଟାଲ ଡେସ୍କ: ଗୁପ୍ତଚର ମାମଲାରେ ଗିରଫ ହୋଇଥିବା ୟୁଟ୍ୟୁବର ଜ୍ୟୋତି ମାଲହୋତ୍ରାଙ୍କୁ ଆଜି ହିସାର ପୁଲିସ ଜିଲ୍ଲା କୋର୍ଟରେ ହାଜର କରିବ । ଜ୍ୟୋତିଙ୍କ ୫ଦିନିଆ ରିମାଣ୍ଡ ଅବଧି ଆଜି ଶେଷ ହେଉଛି । ପାକିସ୍ତାନ ପାଇଁ ଗୁପ୍ତଚର ସାଜିଥିବା ଅଭିଯୋଗରେ ଗିରଫ ହୋଇଥିବା ଜ୍ୟୋତିଙ୍କୁ ନ୍ୟାୟିକ ହେପାଜତକୁ ପଠାଯାଉଛି ନା ପୁଲିସ ପୁଣି ରିମାଣ୍ଡରେ ନେଇ ଜେରା କରିବାକୁ ଆବେଦନ କରୁଛି ତାହା ଉପରେ ସମସ୍ତଙ୍କ ନଜର ।
ଗତ କିଛି ଦିନ ମଧ୍ୟରେ ୟୁଟ୍ୟୁବର ଜ୍ୟୋତି ମାଲହୋତ୍ରାଙ୍କୁ ବିଭିନ୍ନ ପର୍ଯ୍ୟାୟରେ ଘଣ୍ଟା ଘଣ୍ଟା ଧରି ପଚରାଉଚରା କରାଯାଇଛି । ଯେଉଁଥିରେ ଅନେକ ଆଶ୍ଚର୍ଯ୍ୟଜନକ ଖୁଲାସା ହୋଇଛି । ଜ୍ୟୋତିଙ୍କ ଏପର୍ଯ୍ୟନ୍ତ ଦେଇଥିବା ଉତ୍ତରରେ ପୁଲିସ ସନ୍ତୁଷ୍ଟ ଅଛି କି ନାହିଁ, ଯଦି ନାହିଁ ତେବେ ପୁଣି ରିମାଣ୍ଡରେ ନେବାକୁ ଆବେଦନ କରାଯାଉଛି କି ନାହିଁ ତାହା ଉପରେ ସମସ୍ତ ନଜର ରହିଛି ।
