ସିଂହ ଓ ସିଂହୀ ଶିକାର କରୁଥିବା ଭିଡ଼ିଓ ସାଧାରଣତଃ ସୋସିଆଲ ମିଡ଼ିଆରେ ବେଶ୍ ଭାଇରାଲ ହୋଇଥାଏ । ଯେଉଁ ରାସ୍ତା ଦେଇ ଜଙ୍ଗଲର ରାଜା ସିଂହ ବା ସିଂହୀ ବାହାରନ୍ତି ସେହି ରାସ୍ତାରେ ଅନ୍ୟ ଜୀବଜନ୍ତୁଙ୍କୁ ଦେଖିବାକୁ ମିଳେନାହିଁ । ମାତ୍ର ଏବେ ସୋସିଆଲ ମିଡ଼ିଆରେ ଗୋଟିଏ ସିଂହ ଓ ସିଂହୀଙ୍କ ଏପରି ଏକ ଭିଡ଼ିଓ ଭାଇରାଲ ହୋଇଛି ଯାହାକୁ ଦେଖି କେହି ବି ବିସ୍ମିତ ହୋଇ ପାରନ୍ତି । ଭିଡ଼ିଓଟିରେ ସିଂହ ଓ ସିଂହୀ ନିଜ ନିଜ ମଧ୍ୟରେ ଲଢ଼େଇ କରୁଥିବା ଓ ଗର୍ଜନ କରୁଥିବା, ପରସ୍ପରକୁ ପଞ୍ଝା ମାରୁଥିବା ଦୃଶ୍ୟ ଦେଖିବାକୁ ମିଳୁଛି । ମାତ୍ର ଭିଡ଼ିଓର ସବୁଠାରୁ ବିସ୍ମିତ କରିଦେବା ଦୃଶ୍ୟଟି ହେଉଛି ଜଙ୍ଗଲର ରାଣୀ ସିଂହୀ ଏପରି ଗର୍ଜନ କରୁଛି ଯେ ରାଜା ସିଂହ ଡ଼ରରେ ଦୂରକୁ ଚାଲି ଯାଉଛି । ୱାଇଲ୍ଡ଼ ଇଣ୍ଡିଆ ଟ୍ବିଟର ଆକାଉଣ୍ଟରେ ଏହି ଭିଡ଼ିଓ ସେୟାର ହୋଇଛି ଏବଂ ଏହା ଗୁଜରାଟର ଗିର ଜଙ୍ଗଲର ବୋଲି ଏଥିରେ ଉଲ୍ଲେଖ ଅଛି ।
The Royal affair captured in Gir forest by @zubinashara. Headphone recommended. pic.twitter.com/TgCfRP07rT
— Wild India (@WildIndia1) July 26, 2020
ୱାଇଲ୍ଡ଼ ଇଣ୍ଡିଆ ଏହି ଭିଡ଼ିଓ ସେୟାର କରିଛି ଏବଂ ଏଥିରେ ଲେଖାଯାଇଛି ଗିର୍ ଜଙ୍ଗଲରେ ଉଠାଯାଇଥିବା ଭିଡ଼ିଓ, ହେଡ଼ଫୋନ ଲଗାଇ ଶୁଣନ୍ତୁ । ଏହି ଭିଡ଼ିଓରେ ଏକ ସଫାରୀ ଜିପ୍ ଦୂରରେ ଠିଆ ହୋଇଥିବା ଦେଖାଯାଉଛି, ଯେଉଁଥିରେ ପର୍ଯ୍ୟଟକମାନେ ବସିଛନ୍ତି ।
ଜଙ୍ଗଲରେ କାହାର ଚାଲେ ରାଜୁତି: ସିଂହ ନା ସିଂହୀ?
ଏହି ଭିଡ଼ିଓ ଜୁଲାଇ ୨୬ ତାରିଖରେ ସେୟାର କରାଯାଇଛି । ଏହାକୁ ଏ ପର୍ଯ୍ୟନ୍ତ ଲକ୍ଷଲକ୍ଷ ଲୋକ ଦେଖି ସାରିଛନ୍ତି । ଲାଇକ୍ ଓ ରି ଟ୍ବିଟ୍ କରିଛନ୍ତି । ଏହି ଭିଡ଼ିଓକୁ ସେୟାର କରିଥିବା ଇଣ୍ଡିଆନ ଫରେଷ୍ଟ ଅଫିସର ପ୍ରବୀଣ କାସୱାନ ଲେଖିଛନ୍ତି – ଆପଣ ଜଙ୍ଗଲର ରାଜା ହୋଇ ପାରନ୍ତି, ମାତ୍ର ଏହା କିଛି ଫରକ ପକାଇ ପାରିବ ନାହିଁ, କାରଣ କେବଳ ରାଣୀଙ୍କର ହିଁ ଶାସନ ଚାଲେ ।
Doesn’t matter if you are king of jungle. Queen rules !! https://t.co/HDp5CZ87oF
— Parveen Kaswan, IFS (@ParveenKaswan) July 26, 2020
