ଝୁମ୍ପୁରା : ଚମ୍ପୁଆ ଉପଖଣ୍ଡ ବାରିଆ ଥାନା ଅନ୍ତର୍ଗତ ବର୍ଦ୍ଧନା ଗ୍ରାମରେ ବର୍ଷ ସାରା ଅବାଧରେ ମହୁଲି ମଦ କାରବାର ହୋଇଆସୁଛି। ଏହି ଗ୍ରାମରେ ଚାଲିଥିବା ମହୁଲି ମଦ କାରବାରକୁ ସଂପୂର୍ଣ୍ଣ ଭାବରେ ବନ୍ଦ କରିବା ପାଇଁ ସ୍ଥାନୀୟ ଜନସାଧାରଣ ବାରମ୍ବାର ଅବକାରୀ ବିଭାଗ ଠାରୁ ଆରମ୍ଭ କରି ସ୍ଥାନୀୟ ପୁଲିସ ଏବଂ ଜିଲାପାଳଙ୍କ ଠାରେ ଅଭିଯୋଗ କରି ଆସୁଥିଲେ। ମଙ୍ଗଳବାର ଦିନ ସକାଳେ ବାରିଆ ଥାନା ଅଧିକାରୀ ହେମନ୍ତ କୁମାର ମାଝୀଙ୍କ ତ୍ବତ୍ତାବଧାନରେ ସଦଳବଳେ ବର୍ଦ୍ଧନା ଗ୍ରାମରେ ଚଢ଼ାଉ କରିଥିଲେ। ପୁଲିସକୁ ଦେଖି ମଦ ବ୍ୟବସାୟୀମାନେ ଖସି ଯିବାକୁ ସକ୍ଷମ ହୋଇଥିବା ବେଳେ ଗ୍ରାମର ୧୦ରୁ ଉର୍ଦ୍ଧ୍ବ ବ୍ୟବସାୟୀଙ୍କ ଘରୁ ବାହାରିଥିବା ୨ ହଜାରରୁ ଉର୍ଦ୍ଧ୍ଵ ମହୁଲ ପୋଚକୁ ବାରିଆ ପୁଲିସ ନଷ୍ଟ କରି ଦେଇଥିବା ଦେଖିବାକୁ ମିଳିଛି। ଚଢ଼ାଉ ସମୟରେ ବାରିଆ ଥାନା ଅଧିକାରୀ ଶ୍ରୀ ମାଝୀଙ୍କ ସମେତ ଏଏସଆଇ ଅନିଲ ହାଁସଦା, ବ୍ୟାସଦେବ ମିର୍ଦ୍ଧା, ବାସନ୍ତୀ ପ୍ରଧାନଙ୍କ ଥାନାର ଅନ୍ୟ କର୍ମଚାରୀମାନେ ଉପସ୍ଥିତ ରହିଥିଲେ।
Popular Categories
Previous article
Next article