ଆଉ ମାତ୍ର ୧୦ ଦିନ ବାକି ; ଜବରଦସ୍ତ ଧମାକା କରିବ ଥଲପତି ବିଜୟଙ୍କ ଫିଲ୍ମ, ଦେଖନ୍ତୁ ଝଲକ୍‌..

ହାଇଦ୍ରାବାଦ : ସାଉଥ୍‌ ସୁପରଷ୍ଟାର ଥଲପତି ବିଜୟଙ୍କ ପ୍ରଂଶସକଙ୍କ ଅପେକ୍ଷା ଆଉ ୧୦ ଦିନ ପରେ ଶେଷ ହେବାକୁ ଯାଉଛି । ତାଙ୍କର ସାଇନ୍ସ ଫିକ୍ସନ୍‌ ଆକ୍ସନ ଫିଲ୍କ ‘ଗୋଟ୍‌’ ଅର୍ଥାତ୍‌ ‘ଦି ଗ୍ରେଟେଷ୍ଟ ଅଫ୍‌ ଅଲ୍‌ ଟାଇମ୍‌’ ସେପ୍ଟେମ୍ବର ୫ରେ ରିଲିଜ୍‌ ହେବାକୁ ଯାଉଛି । ଏହି ଫିଲ୍କରେ ବିଜୟଙ୍କ ଡବଲ୍‌ ରୋଲ୍‌ ଦେଖିବାକୁ ମିଳିବ। ସେ ଉଭୟ ପିତା ଓ ପୁଅ ଭୂମିକାରେ ନଜର ଆସିବେ । ଏହାର ଝଲକ୍‌ ଟ୍ରେଲରେ ଦେଖିପାରିବେ । ଫିଲ୍ମର ବଜେଟ୍‌ ୩୦୦ ରୁ ୩୫୦ କୋଟି ବୋଲି କୁହାଯାଉଛି । ଯାହାକୁ ନେଇ ପ୍ରଶଂସକ ଖୁବ୍‌ ଉତ୍ସାହିତ ରହିଛନ୍ତି । ମାତ୍ର ଏହା ମଧ୍ୟରେ ଫିଲ୍ମର ପ୍ରଥମ ଦିନର ପ୍ରଥମ ଶୋ’ର ଅପଡେଟ୍‌ ସାମ୍ନାକୁ ଆସିଛି । ଯାହାକି ସଭିଁଙ୍କୁ ଆଶ୍ଚର୍ଯ୍ୟ କରି ଦେଇଛି ।

#GOAT 4 AM IST FDFS confirmed in Kerala.. pic.twitter.com/D8axfW3iGm

— Ramesh Bala (@rameshlaus) August 27, 2024

ଟ୍ରେଡ୍‌ ଆନାଲିଷ୍ଟ ରମେଶ ବାଲା ଏକ୍ସରେ ସୂଚନା ଦେଇଛନ୍ତି, ‘ଦି ଗ୍ରେଟେଷ୍ଟ ଅଫ୍‌ ଅଲ୍‌ ଟାଇମ୍‌’ର ପ୍ରଥମ ଦିନର ପ୍ରଥମ ଶୋ’ ଭୋର ୪ଟାରେ ଆରମ୍ଭ ହେବାକୁ ଯାଉଛି। ଏହାସହ ଏକ ପୋଷ୍ଟର ମଧ୍ୟ ଶେୟାର କରିଛନ୍ତି । ଯେଉଁଥିରେ ଥଲପତିଙ୍କ ଆକ୍ସନର ଝଲକ୍‌ ଦେଖାଯାଉଛି।

ପୋଷ୍ଟରରେ ଲେଖାଯାଇଛି, ପ୍ରସ୍ତୁତ ହୋଇ ଯାଆନ୍ତୁ, ସେପ୍ଟେମ୍ବର ୫ରେ ‘ଗୋଟ୍‌’ କେରଳରେ ଭୋର ୪ଟାରେ ଆସିବାକୁ ଯାଉଛି । ପୋଷ୍ଟ ଦେଖିବା ପରେ ପ୍ରଂଶସକଙ୍କ ଉତ୍କଣ୍ଠା ବଢି ଯାଇଛି ।

୩୦୦ରୁ ୩୫୦ କୋଟି ବଜେଟରେ ପ୍ରସ୍ତୁତ ଏହି ଫିଲ୍ମରେ ଥଲପତି ବିଜୟଙ୍କ ବ୍ୟତୀତ ମିନାକ୍ଷୀ ଚୌଧୁରୀ, ମାଲବିକା ଶର୍ମା, ପ୍ରଶାନ୍ତ, ରାଘବ ଲରେନ୍ସ, ମୋହନ ମୁଖ୍ୟ ଭୂମିକାରେ ନଜର ଆସିବେ । ଫିଲ୍ମକୁ ଭେଙ୍କେଟ ପ୍ରଭୁ ନିର୍ଦ୍ଦେଶନା ଦେଇଛନ୍ତି ।