ଝୁମ୍ପୁରା: ଝୁମ୍ପୁରା ବ୍ଲକ ଉଖୁଣ୍ଡା ପଞ୍ଚାୟତ କଞ୍ଚନଡୁମୁରିଆ ଗ୍ରାମର ଜଣେ ଯୁବକଙ୍କର ପୋଖରୀରେ ମାଛ ଧରୁଥିବା ସମୟରେ ବୁଡ଼ିଯିବା ଫଳରେ ମୃତ୍ୟୁ ଘଟିଛି। କଞ୍ଚନଡୁମୁରିଆ ଗ୍ରାମର ସୁରେଶ ନାଏକଙ୍କ ପୁଅ ଗୋଲକ ମହାରଣା(୨୭) ଗତକାଲି ପୋଖରୀକୁ ମାଛ ମାରିବା ପାଇଁ ଯାଇଥିଲେ। ମାଛ ଧରୁଥିବା ସମୟରେ ପୋଖରୀରେ ବୁଡି ଯାଇଥିଲେ। ଗ୍ରାମବାସୀ ସଙ୍ଗେ ସଙ୍ଗେ ଝୁମ୍ପୁରା ଦମକଳ ବିଭାଗକୁ ଖବର ଦେଇଥିଲେ। ଦମକଳ ବାହିନୀ ଆସି ପୋଖରୀରେ ଖୋଜିଥିଲେ କିନ୍ତୁ ପାଇନଥିଲେ। ଆଜି ଯୁବକଙ୍କ ମୃତଦେହ ପୋଖରୀ ଭିତରୁ ଉଦ୍ଧାର କରାଯାଇଛି। ବାରିଆ ପୁଲିସ ଘଟଣା ସ୍ଥଳରେ ପହଞ୍ଚି ଯୁବକଙ୍କ ମୃତଦେହ ଜବତ କରିବା ସହିତ ଏକ ମାମଲା ରୁଜ୍ଜୁ କରିଛି। ପରେ ମୃତଦେହକୁ ବ୍ୟବଛେଦ କରିବା ପାଇଁ ଚମ୍ପୁଆ ଉପଖଣ୍ଡ ଚିକିତ୍ସାଳୟକୁ ପଠାଇଥିବା ଜଣାଯାଇଛି।
Comments are closed.