ରାଞ୍ଚି : ଝାଡଖଣ୍ଡରେ ମହୁମାଛି ଆକ୍ରମଣରେ ଗୋଟିଏ ପରିବାରର ୪ ଜଣଙ୍କ ମୃତ୍ୟୁ ଘଟିଥିବା ଖବର ମଙ୍ଗଳବାର ସାମ୍ନାକୁ ଆସିଛି । ମୃତକଙ୍କ ମଧ୍ୟରେ ଜଣେ ମହିଳା ଓ ତାଙ୍କର ୩ ଜଣ ଶିଶୁ ରହିଛନ୍ତି । ଘଟଣା ବିଷୟରେ ମହିଳାଙ୍କ ସ୍ୱାମୀ ସୁନୀଲ ସୂଚନା ଦେଇ କହିଛନ୍ତି, ତାଙ୍କ ପତ୍ନୀ ପିଲାଙ୍କ ସହ ବାପ ଘରେ ଥିଲେ । ସେହି ସମୟରେ ତାଙ୍କ ସହ ଏହି ଦୁଃଖଦ ଘଟଣା ଘଟିଛି । ୨୧ ସେପ୍ଟେମ୍ବରରେ ତୁପୁଦାନା ଅଞ୍ଚଳରେ ଏହି ଘଟଣା ଘଟିଛି ।
ସୂଚନାନୁଯାୟୀ, ଜ୍ୟୋତି ଓ ତାଙ୍କ ୩ ଶିଶୁ ତୁପୁଦାନା ଅଞ୍ଚଳରେ କୂଅ ନିକଟରେ ଗାଧୋଉଥିଲେ । ସେହି ସମୟରେ ହଠାତ୍ ମହୁମାଛିମାନେ ତାଙ୍କ ଉପରେ ଆକ୍ରମଣ କରିଥିଲେ । ମହୁମାଛିଙ୍କୁ ଦେଖି ସେଠାରେ ଉପସ୍ଥିତ ଲୋକେ ଭୟରେ ଏଣେତେଣେ ଦୌଡି କରି ପଳାଇଲେ । ମାତ୍ର ଜ୍ୟୋତି ଓ ତାଙ୍କ ୩ ଶିଶୁ ମହୁମାଛିଙ୍କ ଆକ୍ରମଣର ଶିକାର ହୋଇଥିଲେ ।
ସେମାନଙ୍କୁ ବଞ୍ଚାଇବା ଚେଷ୍ଟା କରିବା ପୂର୍ବରୁ ହିଁ ମାଆ ଓ ଶିଶୁଙ୍କ ମୃତ୍ୟୁ ହୋଇ ସାରିଥିଲା । ଏହାପରେ ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଯାଇଥିଲା ।
Comments are closed.