ସମାଜ ଡିଜିଟାଲ ଡେସ୍କ: ଗତ ଦୁଇ ଦିନ ତଳେ ନିଖୋଜ ଥିବା ଛାତ୍ରଙ୍କ ମୃତଦେହ ନାଳରୁ ଉଦ୍ଧାର ହୋଇଛି। ମୃତ ଛାତ୍ର ଯାଜପୁର ଜିଲା ଧର୍ମଶାଳା ଥାନା ଅଭୟପୁର ଗ୍ରାମର ରୁଦ୍ର ପ୍ରସାଦ ବେହେରା। ଗୁରୁବାର ରଥିଆ ଗାଁ ନିକଟ ଶଗଡ଼ିଆ ନାଳରୁ ଛାତ୍ରଙ୍କ ମୃତଦେହ ଉଦ୍ଧାର କରାଯାଇଛି। ଛାତ୍ରଙ୍କୁ ହତ୍ୟା କରାଯାଇଥିବା ପରିବାର ଲୋକ ଅଭିଯୋଗ କରିଛନ୍ତି। ସୂଚନା ଅନୁସାରେ ମଙ୍ଗଳବାରଠୁ ରୁଦ୍ର ନିଖୋଜ ଥିବାବେଳେ ପରିବାର ଲୋକମାନେ ତାଙ୍କୁ ବହୁତ ଖୋଜାଖୋଜି କରି ପାଇନଥିଲେ। ଏନେଇ ପରିବାର ଲୋକ ଧର୍ମଶାଳା ଥାନାରେ ଅଭିଯୋଗ ମଧ୍ୟ କରିଥିଲେ। ଆଜି ସକାଳେ ରୁଦ୍ରଙ୍କ ମୃତଦେହ ନାଳରେ ଭାସୁଥିବା ଦେଖି ସ୍ଥାନୀୟ ଲୋକମାନେ ପୁଲିସକୁ ଖବର ଦେଇଥିଲେ। ପରିବାର ଲୋକ ପହଞ୍ଚି ମୃତଦେହ ଚିହ୍ନଟ କରିଛନ୍ତି। ପୁଲିସ ମୃତଦେହକୁ ଊର୍ଦ୍ଧ୍ବାର କରି ବ୍ୟବଚ୍ଛେଦ ପାଇଁ ପଠାଇ ଘଟଣାର ତଦନ୍ତ ଆରମ୍ଭ କରିଛି।
Popular Categories
Previous article
Next article