ଗଞ୍ଜାମ : ଖଲ୍ଲିକୋଟ ରେଞ୍ଜ ଅଧିନସ୍ଥ ଗଞ୍ଜାମ ବ୍ଲକର କୁଜିଢେପା ଗ୍ରାମରେ କୂଅରୁ ଗୋଟିଏ କୃଷ୍ଣସାର ମୃଗ ଉଦ୍ଧାର କରାଯାଇଛି l କୃଷ୍ଣସାର ମୃଗକୁ ଉଦ୍ଧାର ପରେ ଗ୍ରାମବାସୀମାନେ ବନ ବିଭାଗକୁ ହସ୍ତାନ୍ତର କରିଛନ୍ତି।
ଦୁଇଟି କୃଷ୍ଣସାର ମୃଗ ମା ଓ ଛୁଆ ଉକ୍ତ ଗ୍ରାମର ବାଡ଼ି ପଟେ ଆସୁଥିବା ବେଳେହଟାତ କୁକୁର ଦଳ ହାବୁଡ଼ରେ ପଡିଯାଇଥିଲେ। କୁକୁର ଦଳ ଉଭୟ ମୃଗକୁ ଗୋଡ଼ାଇବା ସମୟରେ ମା ମୃଗଟି ଜଙ୍ଗଲ ମଧ୍ୟକୁ ଦୌଡ଼ି ଚାଲିଯାଇଥିବା ବେଳେ ଛୁଆଟି କୂଅ ମଧ୍ୟରେ ପଡିଯାଇଥିଲା। ଏହା ଦେଖି ବିଜେଡି ନେତା ଉମା ଜେନା, ପୂର୍ବତନ ସମିତିସଭ୍ୟ କୈଳାସ ଚନ୍ଦ୍ର ସ୍ୱାଇଁ, ପଶୁ ଡାକ୍ତର ନିରଞ୍ଜନ ପ୍ରଧାନ, ରବିନ୍ଦ୍ର ଜେନା, ପ୍ରମୋଦ ସ୍ୱାଇଁ, ମଣ୍ଟୁ ଜେନା, କାମ୍ବର ମାଝୀ କାମେରାଜୁ ପ୍ରଧାନ ପ୍ରମୁଖ ଗ୍ରାମବାସୀ ମୃଗଟିକୁ କୂଅ ମଧ୍ୟରୁ ଉଦ୍ଧାର କରିଥିଲେ l ପରେ ଚିକିତ୍ସା କରାଇବା ସହ ବନବିଭାଗକୁ ଖବର ଦେଇଥିଲେ। ଲକ୍ଷ୍ମୀ ଗୌଡ଼ ଓ ସନ୍ତୋଷ ତରାଇ ବନ କର୍ମଚାରୀଙ୍କୁ ମୃଗଟିକୁ ହସ୍ତାନ୍ତର କରିଥିଲେ ।
Comments are closed.