ସମ୍ବଲପୁର: ସମ୍ବଲପୁର ଦେଇ ବେଆଇନ ଭାବରେ ଗୋ ଚାଲାଣ କରାଯାଉଥିବା ବେଳେ ଏକ କଣ୍ଟେନରକୁ ବଜରଙ୍ଗ ଓ ବିଜେପି ଦଳର କାର୍ଯ୍ୟକର୍ତ୍ତାମାନେ ଧରିଛନ୍ତି। ଶୁକ୍ରବାର ଲକ୍ଷ୍ମୀ ଡୁଙ୍ଗୁରୀ ଦେଇ ଏକ କଣ୍ଟେନରରେ ବେଆଇନ ଭାବରେ ଗୋ ଚାଲାଣ କରାଯାଉଥିବାର ଖବର ମିଳିବାରୁ ତାକୁ ରେଳ ଧାରଣା ନିକଟରେ ଅଟକା ଯାଇଥିଲା।
ଛତିଶଗଡ଼ ରାଜ୍ୟର ପଞ୍ଜିକୃତ ଉକ୍ତ ଗାଡିକୁ ଚେକିଂ କରିବାରୁ ସେଥିରୁ ୩୧ ଗୋଟି ଗାଈଗୋରୁ ମିଳିଥିଲା। ଏଣୁ ତୁରନ୍ତ ପୁଲିସକୁ ଖବର ଦିଆଯାଇ ଗାଈଗୋରୁ ମାନଙ୍କୁ ଉଦ୍ଧାର କରାଯାଇଥିଲା। ତେବେ ଗାଡିର ଚାଳକ ଓ ଅନ୍ୟ ସହାୟକ ମାନେ ଫେରାର ହୋଇଯାଇଥିଲେ। ଉଦ୍ଧାର କରାଯାଇଥିବା ଗାଈଗୋରୁ ମାନଙ୍କୁ ପୁତାପାଲି ସ୍ଥିତ ଶ୍ରୀକୃଷ୍ଣ ଗୋଶାଳାରେ ନିଆଯାଇ ସୁରକ୍ଷିତ ରଖାଯାଇଛି।
ଏ ନେଇ କ୍ଷେତରାଜପୁର ଥାନାରେ ଅଭିଯୋଗ ହେବାରୁ ପୁଲିସ ଏକ ମାମଲା ରୁଜୁ କରି ଘଟଣାର ତଦନ୍ତ କରୁଛି। ଅପରପକ୍ଷରେ ଗୋ ଚାଲାଣକାରୀ ମାନେ ବରଗଡ଼ ଜିଲା ପଦ୍ମପୁର ଅଞ୍ଚଳରୁ ପଶ୍ଚିମବଙ୍ଗର କୋଲକତାକୁ ଏହି ଗୋ ଚାଲାଣ କରୁଥିବାର ବିଜେପି ଓ ବଜରଙ୍ଗ ଦଳର କର୍ମୀ ମାନେ ଅଭିଯୋଗ କରିଛନ୍ତି।
