ଦେଶୀ ବନ୍ଧୁକ ଦେଖାଇ ଲୋକଙ୍କୁ ଭୟଭିତ କରିବା ମହଙ୍ଗା ପଡିଲା: ବନ୍ଧା ହେଲା ଅଭିଯୁକ୍ତ, ଦେଶୀ ବନ୍ଧୁକ ଏବଂ ୩ ଜୀବନ୍ତ ଗୁଳି ଜବତ

ବୁର୍ଲା : ବୁର୍ଲା ସହର ମଧ୍ୟରେ ଏକ ଦେଶୀ ବନ୍ଧୁକ ଦେଖାଇ ଲୋକଙ୍କୁ ଭୟଭିତ କରିବା ମହଙ୍ଗା ପଡିଛି । ଅଭିଯୁକ୍ତକୁ ପୁଲିସ ଗିରଫ କରିଥିବା ବେଳେ ତା ଠାରୁ ଗୋଟିଏ ଦେଶୀ ବନ୍ଧୁକ ଏବଂ ୩ ଜୀବନ୍ତ ଗୁଳି ଜବଦ କରିଛି ବୁର୍ଲା ପୁଲିସ। ଆଜି ଅଭିଯୁକ୍ତକୁ ପୁଲିସ ଗିରଫ ପରେ କୋର୍ଟ ଚାଲାଣ କରିଥିବା ସୂଚନା ମିଳିଛି । ଗିରଫ ଅଭିଯୁକ୍ତ ବୁର୍ଲା ଇନ୍ଦିରା ଛକ ନିକଟରେ ରହୁଥିବା ପାପିନ୍ଦର ସିଂ ଓରଫ୍ କାକେ (୪୬) ବୋଲି ଜଣାପଡିଛି।

ପୁଲିସ ସୂଚନା ଅନୁଯାୟୀ ଅଭିଯୁକ୍ତ କାକେ ଏକ ଦେଶୀ ବନ୍ଧୁକ ଧରି ମାର୍କେଟ୍ ଅଞ୍ଚଳରେ ବୁଲୁଥିଲା ଏବଂ ବନ୍ଧୁକ ଦେଖାଇ ଲୋକଙ୍କୁ ଭୟଭୀତ କରି ନିଜର ପତିଆରା ବିସ୍ତାର ପାଇଁଉଦ୍ୟମ ଚଳାଇଥିଲା । ଖବର ପାଇ ପୁଲିସ ଟିମ୍ ଘଟଣା ସ୍ଥଳରେ ପହଞ୍ଚି କାକେକୁ କାବୁ କରିଥିବା ସୂଚନା ମିଳିଛି ।

ସୂଚନା ଥାଉକି କାକେ ଜଣେ ପେସାଦାର ଅପରାଧୀ ହୋଇଥିବା ବେଳେ ତା ନାମରେ ୨୦୧୮ ମସିହାରୁ ଆରମ୍ଭ କରି ବର୍ତ୍ତମାନ ପର୍ଯ୍ୟନ୍ତ ବୁର୍ଲା , ଅତାବିରା ଏବଂ ବରଗଡ ଥାନାରେ ୯ରୁ ଉର୍ଦ୍ଧ୍ବ ମାମଲା ରହିଥିବା ପୁଲିସ ପକ୍ଷରୁ ଜାରି କରାଯାଇଥିବା ପ୍ରେସ୍ ବିବୃତିରେ ଉଲ୍ଲେଖ କରାଯାଇଛି। ହତ୍ୟା, ଡକାୟତି, ଚୋରି, ରାହାଜାନୀ ଭଳି ବିଭିନ୍ନ ଅପରାଧୀକ ମାମଲାରେ ଗିରଫ ହୋଇ ଜେଲ୍ ଯାଇଥିଲେ।