ଶ୍ରମିକଙ୍କ ନ୍ୟାର୍ଯ୍ୟ ଦାବି ହାସଲ ପାଇଁ ଆମରଣ ଅନଶନ କରିବି: ପୂର୍ବତନ ମନ୍ତ୍ରୀ ଇଂ ପ୍ରୀତିରଞ୍ଜନ

ଯାଜପୁର: ଖଣି ଅଞ୍ଚଳରେ କାର୍ଯ୍ୟ କରୁଥିବା ଶ୍ରମିକ ଓ କର୍ମଚାରୀଙ୍କ ହକ୍ ପାଇଁ ମୁଁ ସମର୍ପିତ। ସେମାନଙ୍କ ହକ୍‌ର ଲଢେଇରେ ମୁଁ ସାମିଲ ଅଛି ଓ ସେମାନଙ୍କ ସହିତ ରହିଛି। ଆବଶ୍ୟକ ପଡ଼ିଲେ ମୁଁ ଆମରଣ ଅନଶନ କରିବି। ଏହା କହିଛନ୍ତି ପୂର୍ବତନ ଗ୍ରାମ୍ୟ ଉନ୍ନୟନ, ଦକ୍ଷତା ବିକାଶ ଓ ବୈଷୟିକ ଶିକ୍ଷାମନ୍ତ୍ରୀ ତଥା ସୁକିନ୍ଦା ରିଜିୟନ କ୍ରୋମାଇଟ୍ ଖାଦାନ ମଜଦୁର୍ ସଂଘର ସଭାପତି ଇଂ ପ୍ରୀତିରଞ୍ଜନ ଘଡ଼ାଇ। ଡେକୋ ଓ କେସିସି ସଂସ୍ଥା ଅଧିନରେ କାର୍ଯ୍ୟରତ ଖଣି ଶ୍ରମିକମାନଙ୍କ ନାର୍ଯ୍ୟ ଦାବିକୁ ନେଇ ଆନ୍ଦଳୋନ ଦ୍ୱିତୀୟ ଦିନରେ ପହଞ୍ଚିଛି। ବିଭିନ୍ନ ଦାବି ହାସଲ ପାଇଁ କର୍ମଚାରୀ ଓ ଶ୍ରମିକମାନେ ଦୁଇଦିନ ଧରି ଆନ୍ଦୋଳନ କରୁଛନ୍ତି। ମଙ୍ଗଳବାର ଆନ୍ଦଳୋନରେ ଯୋଗ ଦେଇ ଇଂ ଘଡ଼ାଇ ଚେତାବନୀ ଦେଇ କହିଛନ୍ତି, ଶ୍ରମିକମାନଙ୍କ ଦାବି ଯଥାର୍ଥ ଓ ତାହା ଯଥାଶୀଘ୍ର ପୂରଣ ହେଉ। ନଚେତ୍ ମୁଁ ଆମରଣ ଅନଶନ କରିବାକୁ ବାଧ୍ୟ ହେବି।