ନୂଆଦିଲ୍ଲୀ,୨୪ା୭: ଭାରତୀୟ ମହାକାଶ ଗବେଷଣା ପ୍ରତିଷ୍ଠାନ (ଇସ୍ରୋ) ଓ ଆମେରିକାର ନ୍ୟାସନାଲ ଏରୋନେଟିକ୍ ଆଣ୍ଡ ସ୍ପେସ୍ ଆଡମିନିଷ୍ଟ୍ରେସନ (ନାସା) ମିଳିତ ଭାବେ ‘ନିସାର’ ନାମରେ ଏକ ଉପଗ୍ରହ ଉତ୍କ୍ଷେପଣ କରିବାକୁ ଯାଉଛନ୍ତି। ଇସ୍ରୋ ଓ ନାସା ଉତ୍କ୍ଷେପଣ କରିବାକୁ ଯାଉଥିବା ଏହି ଉପଗ୍ରହ ପୃଥିବୀ ଉପରେ ଅଧିକ ଗବେଷଣା ଓ ଅନୁଧ୍ୟାନ କରିବ। ଯାହା ଦୁଇ ଦେଶର ସବୁଠାରୁ ବଡ ମିଳିତ ପୃଥିବୀ ବିଜ୍ଞାନ ଅଭିଯାନ ହେବ। ଜୁଲାଇ ୩୦ରେ ଆନ୍ଧ୍ରପ୍ରଦେଶର ସତୀଶ ଧାୱନ ମହାକାଶ କେନ୍ଦ୍ରରୁ ଏହି ଉପଗ୍ରହକୁ ଉତ୍କ୍ଷେପଣ କରାଯିବ। ଆନ୍ତର୍ଜାତିକ ମହାକାଶ ଷ୍ଟେସନକୁ ଭାରତୀୟ ମହାକାଶଚାରୀ ଶୁଭାଂଶୁ ଶୁକ୍ଳାଙ୍କୁ ଇସ୍ରୋ ଓ ନାସା ମିଳିତ ପ୍ରୟାସ କ୍ରମେ ପଠାଯିବା ପରେ ଏବେ ଦୁଇଦେଶ ମହାକାଶ ଗବେଷଣା କ୍ଷେତ୍ରରେ ହାତ ମିଳାଇଛନ୍ତି। ନିସାର ଉପଗ୍ରହର ଓଜନ ୨୩୯୨ କିଲୋ ହୋଇଥିବାବେଳେ ଏହାକୁ ତିଆରି ପାଇଁ ୧୩୦କୋଟି ଡଲାର ଖର୍ଚ୍ଚ ହୋଇଛି। ଏଥିରେ ଦୁଇ ଦେଶର ୫୦% ଲେଖାଏଁ ଅଂଶ ରହିଛି। ଏହି ଉପଗ୍ରହ ସମଗ୍ର ପୃଥିବୀ ଗ୍ରହକୁ ଅନୁଧ୍ୟାନ କରିବା ପୂର୍ବକ ପାଣିପାଗ, ପୃଥିବୀ ପୃଷ୍ଠରେ ହେଉଥିବା ପରିବର୍ତ୍ତନ, ହିମଖଣ୍ଡର ପ୍ରବାହ ଓ ବିଭିନ୍ନ ଅଞ୍ଚଳରେ ହେଉଥିବା ଦିନ ରାତିର ତଥ୍ୟ ପ୍ରଦାନ କରିବ। ଏପରି କି ପୃଥିବୀ ବିଶାଳ ଜଳଭାଗରେ ହେଉଥିବା ବିଭିନ୍ନ ପ୍ରକାର ପ୍ରାକୃତିକ ପରିବର୍ତ୍ତନ ଉପରେ ଏହା ଅନୁଧ୍ୟାନ ପୂର୍ବକ ବିଭିନ୍ନ ତଥ୍ୟ ପ୍ରଦାନ କରିବ। ଯାହା ଦୁଇଦେଶର ଗୁରୁତ୍ବପୂର୍ଣ୍ଣ ନୀତି ନିର୍ଦ୍ଧାରଣରେ ମଧ୍ୟ ସହାୟକ ହେବ।
Popular Categories
Previous article
Next article