ନୂଆଦିଲ୍ଲୀ: ପଞ୍ଜାବ କିଙ୍ଗ୍ସର ସହ ମାଲିକାଣୀ ପ୍ରୀତି ଜିଣ୍ଟା ଅନ୍ୟ ଦଳ ମାଲିକଙ୍କଠାରୁ ବୋଧହୁଏ ସବୁଠାରୁ ଉତ୍ସାହୀ। ତାଙ୍କ ଦଳ ଥେର ମଧ୍ୟ ଆଇପିଏଲ୍ ଟ୍ରଫି ଜିତିନଥିଲେ ହେଁ ଏହା ବଲିଉଡ୍ ନାୟିକା ପ୍ରୀତି ଜିଣ୍ଟାଙ୍କ ଉତ୍ସାହକୁ କମ୍ କରି ପାରିନାହିଁ। ଦଳର ବିଜୟ ହେଉ ବା ପରାଜୟ; ସର୍ବଦା ଖୁସ୍ ମିଜାଜ୍ରେ ଜିଣ୍ଟାଙ୍କୁ ଷ୍ଟାଡିୟମ୍ରେ ଦେଖିବାକୁ ମିଳିଥାଏ। ସର୍ବଦା ପଞ୍ଜାବ କିଙ୍ଗ୍ସ ଖେଳାଳିଙ୍କ ସହ ପ୍ରୀତି ଅନ୍ତରଙ୍ଗ ବନ୍ଧୁ ଭଳି ବ୍ୟବହାର କରିଥାଆନ୍ତି। ଏହାର ଏକ ଉଦାହରଣ ସାମ୍ନାକୁ ଆସିଛି।
ନିଜେ ପ୍ରୀତି ଜିଣ୍ଟା କହିଛନ୍ତି, ଆମ ଦଳ ରହୁଥିବା ହୋଟେଲ୍ରେ ଥରେ ଆଲୁ ପରାଟା (ଆଳୁ ପରଟା) ମଗାଇଲି। ଅତ୍ୟନ୍ତ ନିମ୍ନମାନର ଆଳୁ ପରଟା ସେମାନେ ମୋତେ ଦେଲେ। ଏହା ଖାଇବା ଯୋଗ୍ୟ ନଥିଲା। ସେଠାକାର ରୋଷେୟାଙ୍କୁ କହିଲି- ମୁଁ ତୁମମାନଙ୍କୁ ଆଳୁ ପରଟା ତିଆରି ଶିଖାଇବି। ଏହାଶୁଣି ଆମ ପିଲା (ପଞ୍ଜାବ କିଙ୍ଗ୍ସ)ର ଖେଳାଳି ମୋତେ କହିଥିଲେ- ଆମ ପାଇଁ କାହିଁକି ଆଳୁ ପରଟା ତିଆରି କରୁନ? ସୋମନଙ୍କୁ କହିଲି- ଏମିତ ହୋଇପାରିବ ନାହିଁ। ତୁମେ ଯଦି ଭଲ ଖେଳି ମ୍ୟାଚ ଜିତିବ; ସମସ୍ତଙ୍କୁ ନିଜ ହାତରେ ଆଳୁ ପରଟା ତିଆରିକରି ଖୁଆଇବି। ସେମାନେ ପରବର୍ତ୍ତୀ ମ୍ୟାଚ୍ ଜିତିଲେ। ମୁଁ କହିଲି- ଠିକ୍ ଅଛି। ତୁମମାନଙ୍କ ପାଇଁ ଆଳୁ ପରଟା ତିଆରି କରିବି। ମୋଟ ୧୨୦ଟି ଆଳୁ ପରଟା ସେଦିନ ତିଆରି କରିଥିଲି।
Comments are closed.