ନୂଆଦିଲ୍ଲୀ : ଆପଲ ନିକଟରେ ଆଇଫୋନ୍ ୧୬ ସିରିଜର ବଜାର ପ୍ରବେଶ କରିଛି । ଆପଲର ଏହି ଫ୍ଲାଗସିପ୍ ସ୍ମାର୍ଟଫୋନକୁ ଲୋକଙ୍କ ବହୁତ ଭଲପାଇବା ମିଳୁଛି । ଅନେକ ସଂଖ୍ୟାରେ ଉପଭୋକ୍ତା ଏହାକୁ କିଣୁଛନ୍ତି । ତେବେ ଅନେକ ଗ୍ରାହକ ଆଇଫୋନ୍ ୧୬ରେ ଟଚସ୍କ୍ରିନରେ ସମସ୍ୟା ଦେଖାଯାଉଥିବା କହୁଛନ୍ତି । କିଛି ଗ୍ରାହକଙ୍କ କହିବାନୁସାରେ ସ୍କ୍ରଲ୍ କରିବା ସମୟରେ ବା ବଟନ ଦବାଇବା ସମୟରେ କିମ୍ବା ଟାଇପ୍ କରିବା ସମୟରେ ସମସ୍ୟା ଦେଖାଦେଉଛି ।
ତେବେ ଏକ ରିପୋର୍ଟ ଅନୁସାରେ ହାର୍ଡଓ୍ବେୟାର ଖରାପ ଯୋଗୁଁ କିମ୍ବା ସଫ୍ଟଓ୍ବେୟାରରେ ବଗ୍ ଯୋଗୁଁ ଏହି ସମସ୍ୟା ଉପୁଜିଥାଇପାରେ । ଗ୍ରାହକଙ୍କୁ ଏହା ନିରାଶ କରୁଛି ବୋଲି ସାମାଜିକ ଗଣମାଧ୍ୟମରେ ମିମ୍ ଭାଇରାଲ ହେଉଛି । କେବଳ ଆଇଫୋନ୍ ୧୬ ନୁହେଁ, ଆଇଫୋନର କିଛି ପୁରୁଣା ମଡେଲରେ ମଧ୍ୟ ଏହି ସମସ୍ୟାର ସାମ୍ନା କରୁଛନ୍ତି ଉପଭୋକ୍ତା । ତେବେ ଆପଲ ଖୁବ ଶୀଘ୍ର ଏହାର ସମାଧାନ କରିବ ବୋଲି ଆଶା କରାଯାଉଛି ।
