ଡେସ୍କ: ଶ୍ରୀଲଙ୍କାର ବୁଦ୍ଧ ଶାସନ, ଧାର୍ମିକ ଓ ସାଂସ୍କୃତିକ ବ୍ୟାପାର ମନ୍ତ୍ରୀ ବିଦୁରା ବିକ୍ରମନାୟକେ କହିଛନ୍ତି ଯେ କଲମ୍ବୋରେ ଅନ୍ତର୍ଜାତୀୟ ଗୀତା ମହୋତ୍ସବ ଅନୁଷ୍ଠିତ ହେବ। ପରିଚାଳନା କମିଟି ବୈଠକରେ ମନ୍ତ୍ରୀ କହିଛନ୍ତି, ଶ୍ରୀମଦ୍ ଭଗବତ ଗୀତାର କାଳଜୟୀ ଶିକ୍ଷାକୁ ଲୋକପ୍ରିୟ କରିବା ଏହି କାର୍ଯ୍ୟକ୍ରମର ଉଦ୍ଦେଶ୍ୟ।
ତିନି ଦିନିଆ ଅନ୍ତର୍ଜାତୀୟ ଗୀତା ମହୋତ୍ସବ ମାର୍ଚ୍ଚ ପହିଲାରୁ ଆରମ୍ଭ ହେବ। ହରିୟାଣାର କୁରୁକ୍ଷେତ୍ର ଉନ୍ନୟନ ବୋର୍ଡର ଆର୍ଥିକ ସହଯୋଗରେ ନେଲୁମ ପୋକୁନା ଥିଏଟର ପରିସରରେ ଏହି ମହୋତ୍ସବ ଅନୁଷ୍ଠିତ ହେବ। ବିଗତ ବର୍ଷମାନଙ୍କରେ ବିଦେଶରେ ଏହି ମହୋତ୍ସବ ଆୟୋଜନ କରାଯାଉଛି। ଏହି କାର୍ଯ୍ୟକ୍ରମରେ ସମଗ୍ର ବିଶ୍ୱରୁ ହଜାର ହଜାର ପ୍ରତିନିଧି ଯୋଗଦେବେ ବୋଲି ଆଶା କରାଯାଉଛି। ମହୋତ୍ସବରେ ଗୀତା ଯଜ୍ଞ, ଗୀତା ଜପ, ଶୋଭା ଯାତ୍ରା, ସମସାମୟିକ ଆଗ୍ରହର ବିଭିନ୍ନ ବିଷୟ ଉପରେ ଆଲୋଚନାଚକ୍ର ଓ ବିଭିନ୍ନ ପ୍ରତିଯୋଗିତା ଅନୁଷ୍ଠିତ ହେବ। ମାର୍ଚ୍ଚ ୪ ତାରିଖରେ ଶ୍ରୀଲଙ୍କା ସଂସଦରେ ଶ୍ରୀମଦ୍ ଭଗବତ ଗୀତାର ଏକ ନକଲ ଉପସ୍ଥାପନ କରାଯିବ।
Comments are closed.