ପାଟଣା: ଅଗ୍ରଣୀ ସ୍ବେଚ୍ଛାସେବୀ ସଂଗଠନ ପିକକ୍ ପକ୍ଷରୁ ଆଜି ଆନ୍ତର୍ଜାତୀୟ ଦିବ୍ୟାଙ୍ଗ ଦିବସ ଅବସରରେ ପାଟଣା ପୁର୍ନବାସ କେନ୍ଦ୍ରପରିସରରେ ବୌଦ୍ଧିକ ଭିନ୍ନକ୍ଷମ ମାନଙ୍କ ପାଇଁ ଚିକିତ୍ସା ସମ୍ବନ୍ଧୀୟ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ପାଟଣା ବ୍ଲକ ଅଞ୍ଚଳ ରୁ ୩୦ ଜଣ ଭିନ୍ନକ୍ଷମ କାର୍ଯ୍ୟକ୍ରମରେ ଯୋଗ ଦେଇଥିଲେ । ମୁଖ୍ୟ ଅତିଥି ଭାବେ ବ୍ଲକର ଅତିରିକ୍ତ ଶିକ୍ଷାଧିକାରୀ ତଥା ଗୋଷ୍ଠୀ ସାଧନ କେନ୍ଦ୍ର ସଂଯୋଜକ ସଚ୍ଚିଦାନନ୍ଦ ସେଠୀ ଓ ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ସନ୍ତୋଷ କୁମାର ନାଏକ ସମ୍ମାନିତ ଅତିଥି ଭାବେ ଯୋଗ ଦେଇ ଭିନ୍ନକ୍ଷମ ମାନେ ପ୍ରତ୍ୟେକ କ୍ଷେତ୍ରରେ ସକ୍ଷମ ବୋଲି ମତ ପ୍ରକାଶ କରିବା ସହ ସେମାନଙ୍କୁ ଉତ୍ସାହିତ କରିଥିଲେ । ପିକକ୍ ର କାର୍ଯ୍ୟକ୍ରମ ପରିଚାଳକ ଜ୍ୟୋତି ଶଙ୍କର ମହାନ୍ତି ପୁନର୍ବାସ କେନ୍ଦ୍ର ସ୍ଥାପନ ର ଲକ୍ଷ ଓ ଉଦ୍ଦେଶ୍ୟ ଜ୍ଞାପନ କରିଥିଲେ । ପିକକ୍ ଜିଲ୍ଲା ସଂଯୋଜକ ସତ୍ୟନାରାୟଣ ମହାନ୍ତ ସଭା ପରିଚାଳନା କରିଥିଲେ । ସ୍ବତନ୍ତ୍ର ଶିକ୍ଷକ ଅମର ରାଉତ,ଶାରୀରିକ ବ୍ୟାୟାମ ଚିକିତ୍ସକ ଦେବଦତ୍ତ ବାରିକ, ଦୌପଦୀ ବେଜ, ରେବତୀ ମହାନ୍ତ ଓ ସନ୍ଧ୍ୟାରାଣୀ ବେହେରା କାର୍ଯ୍ୟକ୍ରମ ପରିଚାଳନା କରିଥିଲେ ।
Popular Categories
Previous article
Next article