ଆଠଗଡ : ଆଠଗଡ ଇନରହ୍ୱିଲ କ୍ଲବ ପକ୍ଷରୁ ଏକ ନିଆରା ଢଙ୍ଗରେ ଆନ୍ତର୍ଜାତୀୟ ମହିଳା ଦିବସ ପାଳିତ ହୋଇଯାଇଛି । ଇନରହ୍ୱିଲ କ୍ଲବ ମୁମ୍ବାଇର ସ୍ୱେଚ୍ଛାସେବୀ ସଂଗଠନ ‘ୟୁବା’ ସହଯୋଗରେ ଢେଙ୍କାନାଳ ସଦର ବ୍ଲକର ଗୋବିନ୍ଦପୁରସ୍ଥିତ ମହର୍ଷି ଦୟାନନ୍ଦ ସେବା ମିଶନଠାରେ ଆୟୋଜିତ ମହିଳା ଦିବସରେ ମିଶନର ବହୁ ମହିଳା ଅନ୍ତେବାସୀ ଯୋଗଦାନ କରିଥିଲେ। କ୍ଲବର ସଭାପତି ପୁଲିନ ମିଶ୍ର ଏହାକୁ ସଂଯୋଜନା କରି ମହିଳାମାନେ ଘରର ଚାରିକାନ୍ଥ ମଧ୍ୟରୁ ବାହାରି ନିଜକୁ ସ୍ୱାବଲମ୍ବୀ ଓ ଆତ୍ମନିର୍ଭରଶୀଳ କରିବା ଆବଶ୍ୟକ ବୋଲି ମତବ୍ୟକ୍ତ କରିଥିଲେ। ଏଥିରେ କ୍ଲବର ପୂର୍ବତନ ସଭାପତି କଳ୍ପଲତା ଦାଶ, ବରିଷ୍ଠ ସଦସ୍ୟା ସୁଷମା ମିଶ୍ର, ପ୍ରଣତି ପଣ୍ଡା ପ୍ରମୁଖଙ୍କ ସମେତ ମିଶନର ୩ଜଣ ଅନ୍ତେବାସୀ ମହିଳା ଉଦ୍ବୋଧନ ଦେଇ ଆନ୍ତର୍ଜାତୀୟ ମହିଳା ଦିବସ ପାଳନର ଲକ୍ଷ୍ୟ ଓ ଉଦ୍ଦେଶ୍ୟ ସଂପର୍କରେ ନିଜର ଅଭିମତ ରଖିଥିଲେ। ଏହି ଅବସରେ ମୁମ୍ବାଇର ସ୍ୱେଚ୍ଛାସେବୀ ସଂଗଠନ ‘ୟୁବା’ର ଅଧ୍ୟକ୍ଷ ଭବାନୀ ପ୍ରସାଦ ମିଶ୍ରଙ୍କର ଶୁଭେଚ୍ଛା ବାର୍ତ୍ତା ପାଠ କରାଯାଇଥିଲା। ଉପସ୍ଥିତ ମିଶନର ଅନ୍ତେବାସ ମହିଳାଙ୍କୁ ମିଷ୍ଟାନ୍ନ ଓ ଉପଢୌକନ ପ୍ରଦାନ କରାଯାଇଥିଲା। ପ୍ରାରମ୍ଭରେ ମିଶନର ଛାତ୍ରୀମାନେ ସ୍ୱାଗତ ସଂଗୀତ ଗାନ କରିଥିଲେ। ତାହା ସହିତ ପବିତ୍ର ଦୋଳ ଓ ହୋଲି ଉତ୍ସବ ଉପଲକ୍ଷେ ସମସ୍ତଙ୍କୁ ଅବୀର ପ୍ରଦାନ କରାଯାଇଥିଲା। କ୍ଲବର ସଦସ୍ୟା ମନୋଜିନୀ ତ୍ରିପାଠୀ, ଜ୍ୟୋସ୍ନାରାଣୀ ପତି ଓ ଅନ୍ୟମାନେ ସମସ୍ତ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।
Popular Categories
Previous article
Next article