ସମାଜ ପୋର୍ଟାଲ ଡେସ୍କ: ବିଶ୍ଵବ୍ୟାପୀ କରୋନା ମହାମାରୀ ଯୋଗୁ ଦିନକୁ ଦିନ ହ୍ରାସ ପାଉଥିବା ତୈଳ ମୂଲ୍ୟ ରୋକିବା ପାଇଁ ପଦକ୍ଷେପ ସ୍ୱରୂପ ୨୦ ନିୟୁତ ବ୍ୟାରେଲ କମ ତୈଳ ଉତ୍ପାଦନ ପାଇଁ ନିଷ୍ପତ୍ତି ହୋଇଥିବା ଜଣାପଡିଛି। ତୈଳ ଉତ୍ପାଦନ ହ୍ରାସ ଘୋଷଣା ପରେ ଆମେରିକାର ଷ୍ଟକ୍ ମାର୍କେଟରେ ବୃଦ୍ଧି ଘଟିଛି। ଏଥି ପାଇଁ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ ଏବଂ ସାଉଦି ଆରବ ଯୁବରାଜ ପ୍ରିନ୍ସ ମହମ୍ମଦ ବିନ୍ ସଲମାନ ଅଲ ସୟଦଙ୍କୁ ଧନ୍ୟବାଦ ଜଣାଇଛନ୍ତି। ଟ୍ରମ୍ପ ଏହି ଦୁଇ ନେତାଙ୍କ ସହ ଫୋନରେ କଥା ହୋଇଥିଲେ।
Having been involved in the negotiations, to put it mildly, the number that OPEC+ is looking to cut is 20 Million Barrels a day, not the 10 Million that is generally being reported. If anything near this happens, and the World gets back to business from the Covid 19…..
— Donald J. Trump (@realDonaldTrump) April 13, 2020
ତେବେ କରୋନା ସଂକ୍ରମଣ ଯୋଗୁଁ ଦୁନିଆର ଅନେକ ଦେଶରେ ଏବେ ଲକ ଡାଉନ ପରିସ୍ଥିତି ଥିବାରୁ ତେଲର ବ୍ୟବହାର ବହୁତ ହ୍ରାସ ପାଇଛି। ଫଳରେ ଆମେରିକାର ଶକ୍ତି କ୍ଷେତ୍ରରେ ଅସମ୍ଭବ ସଙ୍କଟ ଦେଖାଦେଇଛି ଯାହା ଫଳରେ ହଜାର ହଜାର ଲୋକ ଚାକିରୀ ହରାଇବା ଭଳି ପରିସ୍ଥିତି ସୃଷ୍ଟି ହୋଇଛି। ତେଣୁ ଆନ୍ତର୍ଜାତିକ ବଜାରରେ ତେଲର ଚାହିଦା ଏବଂ ଯୋଗାଣ ମଧ୍ୟରେ ସନ୍ତୁଳନ ବଜାୟ ରଖିବା ଉଦ୍ଦେଶ୍ୟରେ ତୈଳ ଉତ୍ପାଦନକୁ ହ୍ରାସ କରିବାକୁ ନିଷ୍ପତ୍ତି ହୋଇଛି। ଉଭୟ କରୋନା ଏବଂ ସାଉଦି ଆରବ ଓ ରୁଷ ମଧ୍ୟରେ ବିବାଦ ଯୋଗୁ ତୈଳ ଚାହିଦା ହ୍ରାସ ପାଇଥିଲା ଏବଂ ଆନ୍ତର୍ଜାତିକ ତୈଳ ବଜାରରେ ଅଶୋଧିତ ତୈଳ ଦର ବ୍ୟାରେଲ ପିଛା ୩୦ ଡଲାରରୁ ତଳକୁ ଖସି ଆସିଥିଲା।
