ନୂଆଦିଲ୍ଲୀ: ଭାରତୀୟ ନୌସେନା ଯୁଦ୍ଧ ଜାହାଜ ଆଇଏନଏସ ସୁମିତ୍ରା ୨୪ ଘଣ୍ଟାରେ ଦୁଇଟି ଜାହାଜକୁ ଜଳଦସ୍ୟୁଙ୍କ କବଳରୁ ଉଦ୍ଧାର କରିଛି। ଜଳଦସ୍ୟୁ ବିରୋଧୀ ଅଭିଯାନରେ ନିୟୋଜିତ ଆଇଏନଏସ ସୁମିତ୍ରାକୁ ସହାୟତା ପାଇଁ କଲ୍ ଆସିଥିଲା। ଏହି ମାଛଧରା ଜାହାଜରେ ୧୯ଜଣ ପାକିସ୍ତାନୀ ନାଗରିକ ଥିଲେ। ଜଳଦସ୍ୟୁମାନେ ସେମାନଙ୍କୁ ବନ୍ଧକ ରଖିଥିଲେ। ନୌସେନା ପାକିସ୍ତାନୀ ବନ୍ଧକମାନଙ୍କୁ ସୁରକ୍ଷିତ ଭାବେ ଉଦ୍ଧାର କରିଛି। ଗତ ୨୪ ଘଣ୍ଟା ମଧ୍ୟରେ ଆଇଏନଏସ ସୁମିତ୍ରା ୧୯ ଜଣ ପାକିସ୍ତାନୀ ଏବଂ ୧୭ ଜଣ ଇରାନୀୟଙ୍କୁ ଜଳଦସ୍ୟୁମାନଙ୍କଠାରୁ ଉଦ୍ଧାର କରିଛି।
ପ୍ରଥମ ଘଟଣା ଆରବ ସାଗରର। ଜଳଦସ୍ୟୁମାନେ ଏଠାରେ ଇରାନର ପତାକା ଲାଗିଥିବା ଜାହାଜ ଏବଂ ଏହାର କ୍ରୁ ସଦସ୍ୟମାନଙ୍କୁ ବନ୍ଧକ ରଖିଥିଲେ। ଏହାପରେ ଭାରତୀୟ ନୌସେନା ଏହାର ଯୁଦ୍ଧ ଜାହାଜ ଆଇଏନଏସ ସୁମିତ୍ରାକୁ ପଠାଇ ସମସ୍ତଙ୍କୁ ସୁରକ୍ଷିତ ଉଦ୍ଧାର କରିଥିଲା। ଭାରତୀୟ ନୌସେନା ଏକ ବୟାନ ଜାରି କରି କହିଛି ଯେ, ଜାନୁଆରୀ ୨୯ରେ ସେମାନେ ଅଲ୍ ନଇମୀକୁ ଜଳଦସ୍ୟୁଙ୍କ କବଳରୁ ରକ୍ଷା କରିବାକୁ ଅଭିଯାନ ଚଳାଇଥିଲେ। ଏଥିରେ ଥିବା ସମସ୍ତ ୧୯ କ୍ରୁ ସଦସ୍ୟ ପାକିସ୍ତାନୀ ନାଗରିକ ଥଲେ।
ସୂଚନାଯୋଗ୍ୟ, ୨୪ ଘଣ୍ଟା ବ୍ୟବଧାନରେ ଏହା ହେଉଛି ଭାରତୀୟ ନୌସେନାର ଦ୍ବିତୀୟ ସଫଳ ଉଦ୍ଧାର ଅଭିଯାନ। ଜାନୁଆରୀ ୨୮ ରାତିରେ ଭାରତୀୟ ନୌସନୋ ସୋମାଲିଆ ଜଳଦସ୍ୟୁଙ୍କ କବଳରୁ ଇରାନ୍ରେ ପଞ୍ଜିକୃତ ମାଛମରା ଜାହାଜ ଏଫ୍ଭି ଇମାନ୍କୁ ଉଦ୍ଧାର କରିଥିଲା। ସେଥିରେ ୧୭ଜଣ ଇରାନ ନାଗରିକ ଥିଲେ।
Comments are closed.