ପୁଲୱାମା ଆକ୍ରମଣର ୧୦୦ଘଣ୍ଟା, ସେନାର ଦୃଢ଼ ସଫଳତା

ନୂଆଦିଲ୍ଲୀ: ଭାରତୀୟ ସେନା ବାହିନୀ କହିଛି, ପୁଲୱାମା ଆତଙ୍କବାଦୀ ଆକ୍ରମଣର ୧୦୦ ଘଣ୍ଟାରୁ କମ୍‍ ସମୟ ମଧ୍ୟରେ ଜୈସେ ମହମ୍ମଦ୍‍ର ପ୍ରମୁଖ ଆତଙ୍କବାଦୀକୁ ଏହା ନିପାତ କରିଛି। ମଙ୍ଗଳବାର ସକାଳେ ଶ୍ରୀନଗରଠାରେ ସାମ୍ବାଦିକମାନଙ୍କ ସହ କଥାବାର୍ତ୍ତା ବେଳେ ଲେପ୍ଟନାଣ୍ଟ ଜେନେରାଲ୍‍ କେ.ଏସ୍‍. ଧିଲୋଁ କହିଛନ୍ତି, ପାକିସ୍ତାନରେ ଥିବା ଜୈସେ ମହମ୍ମଦର ମୁଖ୍ୟ ଆତଙ୍କବାଦୀ ଏହି ଆକ୍ରମଣ ପାଇଁ ଦାୟୀ। ସେ କହିଛନ୍ତି, ପୁଲୱାମା ଆତଙ୍କବାଦୀ ଆକ୍ରମଣ ପାଇଁ ପାକିସ୍ତାନରେ ଯୋଜନା ହୋଇଥିଲା ଏବଂ ପାକ ସେନା ଓ ଆଇଏସଆଇ ଏହାକୁ ସମର୍ଥନ କରିଥିଲେ। ସେ କହିଛନ୍ତି, ଗତ ୧୪ତାରିଖରେ ପୁଲୱାମାରେ ସି.ଆର୍‍.ପି.ଏଫ୍‍. ଗାଡ଼ି ଉପରେ ଆକ୍ରମଣ କରିଥିବା ଜୈସେ ମହମ୍ମଦର ପ୍ରମୁଖ ଆତଙ୍କବାଦୀ କମରାନ୍‍ଙ୍କୁ ନିପାତ କରାଯାଇଛି। ଏହି ଆକ୍ରମଣ ଘଟଣାରେ ସମ୍ପୃକ୍ତ ସମସ୍ତଙ୍କ ବିଷୟରେ ତଦନ୍ତ କରାଯାଉଥିବା ସେ କହିଛନ୍ତି। ଲେପ୍ଟନାଣ୍ଟ ଜେନେରାଲ୍‍ କେ.ଏସ୍‍. ଧିଲୋଁ କହିଛନ୍ତି, ଆହତ ସି.ଆର୍‍.ପି.ଏଫ୍‍. ଯବାନମାନଙ୍କ ସ୍ୱାସ୍ଥ୍ୟ ଅବସ୍ଥା ସୁଧୁରୁଛି।