ସମାଜ ଡିଜିଟାଲ ଡେସ୍କ: ଏସିଆ କପ୍ ଟି-୨୦ ଫାଇନାଲରେ ପ୍ରଥମ ବ୍ୟାଟିଂ କରିବ ପାକିସ୍ତାନ। ଭାରତ ଟସ ଜିତିବା ପରେ ବୋଲିଂ କରିବାକୁ ନିଷ୍ପତ୍ତି ନେବା ସହିତ ପାକିସ୍ତାନକୁ ବ୍ୟାଟିଂ ପାଇଁ ଆମନ୍ତ୍ରଣ କରିଛି। ଏହି ହାଇଭୋଲଟେଜ ମ୍ୟାଚ ଦୁଇ ଦେଶ ପାଇଁ ଗୁରୁତପୂର୍ଣ୍ଣ ଥିବାବେଳେ କିଏ ଜିତିବ ତାହାକୁ ନେଇ ସବୁଠି ଉତ୍କଣ୍ଠା ଦେଖିବାକୁ ମିଳିଛି।
ପୂରା ସିରିଜରେ ଭାରତ ଅପରାଜେୟ ରହିଛି। ପୂର୍ବ ୨ଟି ମ୍ୟାଚରେ ପାକିସ୍ତାନକୁ ସହଜରେ ପରାସ୍ତ କରିଥିବା ଭାରତୀୟ ଦଳର ମନୋଭାବ ଦୃଢ଼ ରହିଛି। ସେପଟେ ପାକିସ୍ତାନ ୨ଟି ମ୍ୟାଚ ହାରି ଚାପରେ ରହିଛି। ଫାଇନାଲ ମ୍ୟାଚ ହୋଇଥିବାରୁ ଏହା ଦୁଇ ଦଳ ପାଇଁ କର ବା ମର ସ୍ଥିତି ସୃଷ୍ଟି କରିଛି।
