ସମାଜ ପୋର୍ଟାଲ ଡେସ୍କ: କରୋନା ଭୂତାଣୁ ଜନିତ ବିପତ୍ତି କାରଣରୁ ଭାରତ ଆସନ୍ତା ମାସରେ ସାଇପ୍ରସରେ ଅନୁଷ୍ଠିତ ହେବାକୁ ଥିବା ବନ୍ଧୁକ ଚାଳନା ବିଶ୍ୱକପ୍ ପ୍ରତିଯୋଗିତାରୁ ଓହରି ଯାଇଛି। ଆନ୍ତର୍ଜାତିକ ବନ୍ଧୁକ ଚାଳନା କ୍ରୀଡ଼ା ମହାସଂଘ ଆଇଏସ୍ଏସ୍ଏଫ୍ ଦ୍ୱାରା ପରିଚାଳିତ ଏହି ବିଶ୍ୱକପ୍ ୪ରୁ ୧୩ ମାର୍ଚ୍ଚ ପର୍ଯ୍ୟନ୍ତ ନିକୋସିଆଠାରେ ଅନୁଷ୍ଠିତ ହେବ। ଇତି ମଧ୍ୟରେ ଚୀନରେ ଆଜି ଆଉ ୪୭ ଜଣଙ୍କର କରୋନା ସଂକ୍ରମଣରେ ମୃତ୍ୟୁ ହୋଇଥିବା ବେଳେ ମୃତ୍ୟୁ ସଂଖ୍ୟା ୨ହଜାର ୮୩୫ରେ ପହଞ୍ଚିଛି।
ଜାତୀୟ ସ୍ୱାସ୍ଥ୍ୟ ଆୟୋଗ ଆଜି ଆଉ ୪୨୭ଟି ନୂଆ ମାମଲାକୁ ତାଲିକାଭୁକ୍ତ କରିଥିବା ବେଳେ ମୋଟ ଆକ୍ରାନ୍ତଙ୍କ ସଂଖ୍ୟା ୭୯ ହଜାର ୨୫୧କୁ ବୃଦ୍ଧି ପାଇଛି।ଏହି ଭୂତାଣୁ ସମଗ୍ର ବିଶ୍ୱରେ ଏପର୍ଯ୍ୟନ୍ତ ୮୩ ହଜାର ୬୭୦ଜଣଙ୍କୁ ସଂକ୍ରମିତ ହୋଇଥିବା ବେଳେ ସେମାନଙ୍କ ମଧ୍ୟରୁ ୨ହଜାର ୮୬୫ ଜଣଙ୍କର ମୃତ୍ୟୁୂ ହେଇସାରିଲାଣି।
