ଡେସ୍କ: ବିଶ୍ୱ ଅର୍ଥନୈତିକ ଫୋରମର ବାର୍ଷିକ ବୈଠକରେ ଭାରତ ନିଜକୁ ଏକ ନିର୍ଭରଯୋଗ୍ୟ ରାଷ୍ଟ୍ର ଏବଂ ସ୍ଥାୟୀ ଅର୍ଥନୀତି ଭାବରେ ଉପସ୍ଥାପନ କରିଛି। ପାଞ୍ଚ ଦିନିଆ ବିଶ୍ୱ ଅର୍ଥନୈତିକ ଫୋରମ୍ ବୈଠକ ଗତକାଲି ସ୍ୱିଜରଲ୍ୟାଣ୍ଡର ଡାଭୋସରେ ଶେଷ ହୋଇଛି। ଦେଶର ବଢୁଥିବା ଅର୍ଥନୀତି ସହିତ ଦୃଢ଼ ସମ୍ବନ୍ଧ ସମ୍ପର୍କରେ ଭାରତ ବିଶ୍ୱସ୍ତରୀୟ ନେତାଙ୍କ ନିକଟରେ ନିଜର ପକ୍ଷ ଉପସ୍ଥାପନ କରିଛି। ଏହି ବୈଠକରେ ତିନି ଜଣ କେନ୍ଦ୍ର ମନ୍ତ୍ରୀ ଏବଂ ବିଭିନ୍ନ ରାଜ୍ୟରୁ ଆସିଥିବା ପ୍ରତିନିଧିମାନେ ଭାରତର ବୃଦ୍ଧି ପାଉଥିବା ଅର୍ଥନୈତିକ ଶକ୍ତି ଉପରେ ଆଲୋକପାତ କରିଥିଲେ ଏବଂ କହିଥିଲେ ଯେ ଯେଉଁମାନେ ଏକ ବିଶ୍ୱସ୍ତ ଏବଂ ଶକ୍ତିଶାଳୀ ଅଂଶୀଦାର ସହିତ ବ୍ୟବସାୟ କରିବାକୁ ଚାହୁଁଛନ୍ତି ସେମାନଙ୍କ ପାଇଁ ଭାରତ ଏକ ବିଶ୍ୱସ୍ତ ଦେଶ।
କେନ୍ଦ୍ର ମନ୍ତ୍ରୀ ଅଶ୍ୱିନୀ ବୈଷ୍ଣବ ଭାରତକୁ ସବୁଠାରୁ ବିଶ୍ୱସ୍ତ ଦେଶ ତଥା ନମନୀୟ ଅର୍ଥନୀତି ବୋଲି ବର୍ଣ୍ଣନା କରିଥିଲେ। ଶ୍ରୀ ବୈଷ୍ଣବ କହିଛନ୍ତି ଯେ ଆମର ଅର୍ଥନୀତି ଆତ୍ମନିର୍ଭରଶୀଳ ହୋଇ ଆଗକୁ ବଢୁଛି। ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ ଗଭର୍ଣ୍ଣର ଶକ୍ତିକାନ୍ତ ଦାସ ଆସନ୍ତା ଆର୍ଥିକ ବର୍ଷ ପାଇଁ ମୋଟ ଘରୋଇ ଉତ୍ପାଦ (ଜିଡିପି) ଅଭିବୃଦ୍ଧିର ୭% ଆକଳନ କରିଛନ୍ତି। କେନ୍ଦ୍ର ମନ୍ତ୍ରୀ ସ୍ମୃତି ଇରାନୀ ଭାରତର ସମାଵେଶୀ ଅଭିବୃଦ୍ଧି ପ୍ରଦର୍ଶନ କରିଛନ୍ତି। ହାର୍ଦ୍ଦିକ ସିଂ ପୁରୀ କହିଛନ୍ତି ଯେ ଭାରତ ବିଭିନ୍ନ ଅଧିବେଶନରେ ଦିଆଯାଇଥିବା ଘୋଷଣାର ସୁଯୋଗ ନେଇସାରିଛି।
ରାସ୍ତାକଡରେ ବିସ୍କୁଟ୍ ବିକ୍ରି କରି ୫୦ଲକ୍ଷର କାର୍ କିଣିଲେ ଦୋକାନୀ !
ପ୍ରାୟ ୩ ହଜାର ବିଶ୍ୱସ୍ତରୀୟ ନେତାଙ୍କ ମଧ୍ୟରେ ବିଶ୍ୱ ତଥା ଆଞ୍ଚଳିକ ପ୍ରସଙ୍ଗଗୁଡିକ ଉପରେ ୫ ଦିନ ଧରି ଆଲୋଚନା ପର୍ଯ୍ୟାଲୋଚନା ଚାଲିଥିଲା। ଏହି ବୈଠକର ନିଷ୍କର୍ସ ଥିଲା ଯେ ୨୦୨୪ ମସିହାରେ ବିଶ୍ୱ ଅର୍ଥନୀତି ଏବଂ ବାଣିଜ୍ୟ ଭଲ ପ୍ରଦର୍ଶନ କରିବ ଏବଂ ସାମ୍ପ୍ରତିକ ଆହ୍ୱାନ ଗୁଡିକର ସମାଧାନ ପାଇଁ ଉପାୟ ଖୋଜିବ। ଭାରତ ଅର୍ଥନୀତିକୁ ପୁନର୍ଜୀବିତ କରିବା, ଭୌଗଳିକ ଓ ରାଜନୈତିକ ଦ୍ୱନ୍ଦ୍ୱ ଦୂର କରିବା ଏବଂ ଜଳବାୟୁ ପରିବର୍ତ୍ତନ, ସାମାଜିକ ଅବ୍ୟବସ୍ଥା ଏବଂ ଏହା ସୃଷ୍ଟି ହୋଇଥିବା ତ୍ରୁଟିପୂର୍ଣ୍ଣ ସୂଚନା ଏବଂ ପ୍ରଚାର ପ୍ରସାର ରୋକିବା ପାଇଁ ସହଯୋଗ କରିବାକୁ ଆହ୍ୱାନ ଦେଇଛି।
Comments are closed.