ନୂଆଦିଲ୍ଲୀ ..- ପୁଲଓ୍ୱାମା ଆକ୍ରମଣ ସମ୍ପର୍କରେ ପାକିସ୍ତାନକୁ ଭାରତ ପକ୍ଷରୁ ପ୍ରମାଣ ଦିଆଯାଇଛି । ପାକିସ୍ତାନରେ ଶରଣ ନେଇଥିବା ଜୈଶ-ଏ-ମହମ୍ମଦର ଆତଙ୍କବାଦୀମାନେ ଏହି ଆକ୍ରମଣର ଯୋଜନା କରାଇଥିଲେ ସେ ସମ୍ପର୍କରେ ପ୍ରମାଣ ଦିଆଯାଇଛି । ପାକିସ୍ତାନରେ ଜୈଶ-ଏ-ମହମ୍ମଦର ଥିବା ଆତଙ୍କବାଦୀ ଶିବିର ଓ ତାଙ୍କ ନେତାଙ୍କ ବିଷୟରେ ପ୍ରମାଣ ଦେଇଛି ।
ଭାରତରେ ଥିବା ପାକିସ୍ତାନ ଉପ ଉଚ୍ଚାୟୁକ୍ତ ସୟିଦ ହାଇଦର ଶାହାଙ୍କୁ ଏହି ପ୍ରମାଣ ପ୍ରଦାନ କରାଯାଇଛି । ବିଦେଶମନ୍ତ୍ରାଳୟ ପକ୍ଷରୁ ସମନ କରାଯିବା ପରେ ସେ ସେଠାରେ ଉପସ୍ଥିତ ହୋଇଥିଲେ। ଏହି ସମୟରେ ସମସ୍ତ ପ୍ରମାଣସହ ପାକିସ୍ତାନ ବାୟୁସେନା ଭାରତର ଆକାଶ ସୀମା ଉଲ୍ଲଘଂନ କରିବା ସହ ଭାରତୀୟ ସେନା ଶିବିରକୁ ଲକ୍ଷ୍ୟ କରି ବୋମା ମାଡ କରିଥିବା ସୂଚାଇ ଦିଆଯାଇଛି ।
ଭାରତ ପାକିସ୍ତାନରେ ଥିବା ଆତଙ୍କବାଦୀଙ୍କ ଉପରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ କଡା ତାଗିଦ୍ କରିଛି ।