ନୂଆଦିଲ୍ଲୀ: ଅଧ୍ୟାପକ ନିଯୁକ୍ତି ସମୟରେ ଏସସି/ଏସଟି ଏବଂ ଓବିସିମାନଙ୍କ ପାଇଁ ସଂରକ୍ଷଣ ବ୍ୟବସ୍ଥା ଲାଗୁ କରିବା କ୍ଷେତ୍ରରେ ଏକକ ବିଭାଗକୁ ୟୁନିଟ ଭାବେ ଗ୍ରହଣ କରାଯିବ। ସର୍ବୋଚ୍ଚ ନ୍ୟାୟାଳୟଙ୍କ ପୂର୍ବ ନିର୍ଦ୍ଦେଶର ପୁନର୍ବିଚାର ପାଇଁ କେନ୍ଦ୍ର ସରକାରଙ୍କ ଦ୍ୱାରା ଆଗତ ମାମଲାକୁ ଖାରଜ କରିବା ସହ ଆଲ୍ଲାହାବାଦ ଉଚ୍ଚ ନ୍ୟାୟାଳୟଙ୍କ ଆଦେଶକୁ କାଏମ ରଖିଛନ୍ତି। ଏହି ମାମଲାର ଜନ ଶୁଣାଣୀ ପାଇଁ ଆଗତ କେନ୍ଦ୍ର ସରକାରଙ୍କ ପିଟିସନକୁ ମଧ୍ୟ ସୁପ୍ରିମକୋର୍ଟ ଖାରଜ କରିଦେଇଛନ୍ତି। ବିଚାରପତି ଜଷ୍ଟିସ ୟୁ. ୟୁ. ଲଳିତ ଏବଂ ଇନ୍ଦିରା ବାନାର୍ଜୀଙ୍କୁ ନେଇ ଗଠିତ ଖଣ୍ଡପୀଠ କେନ୍ଦ୍ର ସରକାର, ବିଶ୍ୱବିଦ୍ୟାଳୟ ଅନୁଦାନ ଆୟୋଗ ଏବଂ କେତେକ ବ୍ୟକ୍ତିବିଶେଷଙ୍କ ଦ୍ୱାରା ଦାୟର ପିଟିସନକୁ ଖାରଜ କରି ଖଣ୍ଡପୀଠ ଉଚ୍ଚ ନ୍ୟାୟାଳୟଙ୍କ ନିର୍ଦ୍ଦେଶରେ କିଛି ତ୍ରୁଟି ନା ଥିବା କହିଛନ୍ତି। ପୂର୍ବରୁ ସୁପ୍ରିମକୋର୍ଟ ଜାନୁଆରୀ ୨୧ରେ କେନ୍ଦ୍ର ସରକାର ଏବଂ ବିଶ୍ୱବିଦ୍ୟାଳୟ ଅନୁଦାନ ଆୟୋଗ ପକ୍ଷରୁ ଆଗତ ମାମଲାକୁ ଖାରଜ କରି କହିଥିଲେ ଯେ ଏହି ସଂରକ୍ଷଣ ବ୍ୟବସ୍ଥାରେ ମହାବିଦ୍ୟାଳୟ କିମ୍ବା ବିଶ୍ବବିଦ୍ୟାଳୟକୁ ୟୁନିଟ ଭାବେ ଗ୍ରହଣ କରାଯାଇ ପାରିବ ନାହିଁ।
Popular Categories
Previous article
Next article