ନୂଆଦିଲ୍ଲୀ: ଇଂଲଣ୍ଡ ବିପକ୍ଷ ଘରୋଇ ଟେଷ୍ଟ ଶୃଙ୍ଖଳାରେ ୩-୧ରେ ଆଗୁଆ ରହି ଭାରତ ଶୃଙ୍ଖଳା ହାତେଇ ନେଇଛି। ଘରୋଇ ମାଟିରେ ଭାରତର ଏହା କ୍ରମାଗତ ୧୭ଶ ଟେଷ୍ଟ ଶୃଙ୍ଖଳା ବିଜୟ। ଗୁରୁବାରଠାରୁ ଭାରତ-ଇଂଲଣ୍ଡ ୫ମ ତଥା ଅନ୍ତିମ ଟେଷ୍ଟ ଖେଳାଯିବ । ହିମାଳୟ ପାଦଦେଶରେ ଥିବା ଧର୍ମାାଳାରେ ଏହି ମ୍ୟାଚ୍ ଖେଳାଯିବ । ଏଠାକାର ବାତାବରଣ ଇଂଲଣ୍ଡର ଘରୋଇ ବାତାବରଣ ପରି। ଧର୍ମଶାଳାରେ ପ୍ରବଳ ଥଣ୍ଡା ଅନୁଭୂତ ହେଉଛି। ହେଲେ ପିଚ୍ ଶୁଖିଲା ରହିଛି। ବ୍ୟାଟ୍ସମ୍ୟାନ୍ ମାନେ ପିଚରୁ ଫାଇଦା ଉଠାଇବେ ବୋଲି ଅନୁମାନ କରାଯାଉଥିବାବେଳେ ପରେ ସ୍ପିନର ଏଥିରୁ ଫାଇଦା ଉଠାଇବେ। ଉଭୟ ଦଳ ଦୁଇ ଜଣରୁ ଅଧିକ ପେସ ବୋଲର ଖେଳାଇବେ ନାହିଁ। ଶୃଙ୍ଖଳାର ନିଷ୍ପତ୍ତି ହୋଇସାରିଥିଲେ ମଧ୍ୟ ଏହି ମ୍ୟାଚ୍ ଜିତିବାକୁ ଉଭୟ ଦଳ ପ୍ରୟାସ କରିବେ।
Comments are closed.