ଇପୋ : ସୁଲତାନ ଅଜଲାନ୍ ଶାହା ହକିରେ ଭାରତ ଫାଇନାଲ ଖେଳିବା ସୁନିଶ୍ଚିତ କରିଛି। ବୁଧବାର ସନ୍ଧ୍ୟାରେ ଭାରତ, ମାଲେସିଆର ଇପୋରେ ଅନୁଷ୍ଠିତ ତା’ର ଚତୁର୍ଥ ରାଉଣ୍ଡ ମ୍ୟାଚରେ କାନାଡାକୁ ୭-୩ ଗୋଲରେ ପରାସ୍ତ କରିଛି। ତେବେ ଭାରତ ଖେଳିଥିବା ଚାରୋଟି ମ୍ୟାଚ ମଧ୍ୟରୁ ତିନୋଟିରେ ବିଜୟ ସହ ଗୋଟିଏ ମ୍ୟାଚ ଅମୀମାଂଶିତ ରଖି ୧୦ପଏଣ୍ଟ ହାସଲ କରିଛି। ଏହି ୧୦ପଏଣ୍ଟ ସହ ଭାରତ ପଏଣ୍ଟ ତାଲିକାର ଶୀର୍ଷରେ ରହିଛି।
ବୁଧବାର ସୁଦ୍ଧା ଦକ୍ଷିଣ କୋରିଆ ୭ପଏଣ୍ଟ ସହ ଦ୍ୱିତୀୟ ସ୍ଥାନରେ ଓ ମାଲେସିଆ ୬ପଏଣ୍ଟ ସହ ତୃତୀୟ ସ୍ଥାନରେ ରହିଛି । ସେହିପରି କାନାଡା ୬ ପଏଣ୍ଟ ପାଇ ଚତୁର୍ଥ ସ୍ଥାନରେ ଥିବାବେଳେ ଜାପାନ ୩ପଏଣ୍ଟ ସହ ପଞ୍ଚମ ସ୍ଥାନରେ ରହିଛି । ପୋଲାଣ୍ଡ ବିନା ପଏଣ୍ଟରେ ଶେଷ ସ୍ଥାନରେ ରହିଛି।
ତେବେ ଆଜିର ଏହି ବିଜୟ ସହ ଭାରତ ଶନିବାର ଦିନ ଫାଇନାଲ ଖେଳିବା ପାଇଁ ସ୍ଥାନ ପକ୍କା କରିଛି। ଭାରତ ଶୁକ୍ରବାର ଦିନ ତା’ର ଶେଷ ରାଉଣ୍ଡ ମ୍ୟାଚ ପୋଲାଣ୍ଡ ବିପକ୍ଷରେ ଖେଳିବ।