ସମାଜ ଡିଜିଟାଲ ଡେସ୍କ: ଓଭାଲରେ ଚାଲିଥିବା ଅନ୍ତିମ ତଥା ୫ମ ଟେଷ୍ଟ ରୋମାଞ୍ଚକର ସ୍ଥିତି ଆଡକୁ ଅଗ୍ରସର ହେଉଛି। ୩ୟ ଦିବସର ମଧ୍ୟାହ୍ନଭୋଜନ ବିରତି ସୁଦ୍ଧା ଟିମ ଇଣ୍ଡିଆ ୩ ଉଇକେଟ ହରାଇ ୧୮୯ ରନ ସଂଗ୍ରହ କରିଛି। ସିରିଜକୁ ବରାବର ରଖିବାକୁ ହେଲେ ଭାରତକୁ ଏହି ମ୍ୟାଚ ଜିତିବାକୁ ପଡ଼ିବ। ନଚେତ ଭାରତ ସିରିଜରେ ଘରୋଇ ଇଂଲଣ୍ଡ ଦଳଠାର ପରାଜିତ ହେବ।
ପ୍ରଥମ ଇନିଂସରେ ଭାରତ ବ୍ୟାଟି କରି ୨୨୪ ରନରେ ଅଲଆଉଟ ହୋଇଯାଇଥିଲା। କୌଣସି ଖେଳାଳି ଭଲ ପ୍ରଦର୍ଶନ କରିପାରି ନ ଥିଲେ। ଏହାର ଜବାବରେ ଇଂଲଣ୍ଡ ୨୪୭ ରନ କରିବାରେ ସକ୍ଷମ ହୋଇଥିଲା। ଭାରତୀୟ ବୋଲର ପ୍ରଭାବୀ ପ୍ରଦର୍ଶନ ଯୋଗୁ ଘରୋଇ ଦଳକୁ ସୀମିତ ରନରେ ଅଟକାଇ ପାରିଥିଲେ। ଏହା ପରେ ୨ୟ ପାଳିରେ ଭାରତ ଭଲ ପ୍ରଦର୍ଶନ ଜାରି ରଖିଛି। ଆକାଶ ଦୀପ ୬୬ ରନ କରି ଆଉଟ ହୋଇଥିବାବେଳେ ଯଶସ୍ଵୀ ଜୟସଓ୍ବାଲ ୮୫ ଏବଂ ସୁବମନ ଗିଲ ୧୧ ରନ କରି ଖେଳୁଛନ୍ତି। ମ୍ୟାଚ ଜିତିବା ଲାଗି ଭାରତକୁ ବଡ଼ ଟାର୍ଗେଟ ଦେବାକୁ ପଡ଼ିବ।
