ସମାଜ ଡିଜିଟାଲ ଡେସ୍କ: ଓଲ୍ଡ ଟ୍ରାଫୋର୍ଡ ଷ୍ଟାଡିୟମରେ ବୁଧବାରଠାରୁ ଭାରି-ଇଂଲଣ୍ଡ ମଧ୍ୟରେ ଚତୁର୍ଥ ଟେଷ୍ଟ ଆରମ୍ଭ ହେବାକୁ ଯାଉଛି । ଲର୍ଡସ ଟେଷ୍ଟକୁ ଜିତି ଶୃଙ୍ଖଳାରେ ଘରୋଇ ଇଂଲଣ୍ଡ୨-୧ରେ ଆଗୁଆ ରହିଛି । ଫଳରେ ଚତୁର୍ଥ ଟେଷ୍ଟ ଭାରତ ପାଇଁ ‘କର ବା ମର’ ପରିସ୍ଥିତି ସୃଷ୍ଟି କରିଛି । ଏହି ଟେଷ୍ଟ ହାରିଲେ ଭାରତ କ୍ରମାଗତ ୩ୟ ଟେଷ୍ଟ ଶୃଙ୍ଖଳାରେ ପରାସ୍ତ ହେବ । ଏପରି ଲଜ୍ଜାକର ସ୍ଥିତିରୁ ମୁକୁଳିବା ପାଇଁ ଶୁଭମନ୍ ଗିଲଙ୍କ ଦଳକୁ ୪ର୍ଥ ଟେଷ୍ଟ ନିଶ୍ଚିତ ଭାବରେ ଜିତିବାକୁ ପଡିବ । ୪ର୍ଥ ଟେଷ୍ଟ ଏପରି ଏକ ଷ୍ଟାଡିୟମରେ ହେଉଛି ଯେଉଁଠାରେ ଭାରତ ପୂର୍ବରୁ କେବେ ବି ମ୍ୟାଚ ଜିତିନାହିଁ । ପୁଣି ଦଳର ତିନି ଜଣ ଖେଳାଳି ଆହତ ହେବା ଭାରତୀୟ ଦଳକୁ ଚିନ୍ତାରେ ପକାଇଛି । ୪ର୍ଥ ଟେଷ୍ଟୁ ନୀତିଶ କୁମାର ରେଡ୍ଡୀ, ଅର୍ଶଦୀପ ସିଂହ ଓ ଆକାଶ ଦୀପ ବାଦ ପଡିଛନ୍ତି । ତେଣୁ ଆଜି ପଡିଆକୁ ଓହ୍ଲାଇବା ପୂର୍ବରୁ ସଠିକ୍ ଏକାଦଶ ବାଛିବା ଭାରତ ପାଇଁ କଠିନ ପରିସ୍ଥିତି କରିଛି ।
ସେପଟେ ଲର୍ଡସ ଟେଷ୍ଟକୁ ଜିତିବା ପରେ ଇଂଲଣ୍ଡ ଟିମର ମନୋବଳ ଦୃଢ ରହିଛି । ଦଳ ଚୂଡାନ୍ତ ଏକାଦଶ ଘୋଷଣା କରିଥିବା ବେଳେ ସେଥିରେ ମାତ୍ର ଗୋଟିଏ ପରିବର୍ତ୍ତନ ହୋଇଛି । ଓଲ୍ଡ ଟ୍ରାଫୋର୍ଡରେ ଇଂଲଣ୍ଡର ଟେଷ୍ଟ ରେକର୍ଡ ଏପରି, ଯାହା ବିଶ୍ୱର ସମସ୍ତ ଦଳକୁ ଚାପରେ ପକାଇବ । ୨୦୧୪ରୁ ୨୦୨୪ମଧ୍ୟରେ ଇଂଲଣ୍ଡ ଏହି ଷ୍ଟାଡିୟମରେ ୧୦ଟି ଟେଷ୍ଟମ୍ୟାଚ୍ ଖେଳି ୯ଟି ଜିତିଥିବା ବେଳେ ଗୋଟିଏ ଡ୍ର ରହିଥିଲା ।
ଆଜିଠାରୁ ଭାରତ-ଇଂଲଣ୍ଡ ଚତୁର୍ଥ ଟେଷ୍ଟ, ଭାରତ ପାଇଁ କର ବା ମର ସ୍ଥିତି
Popular Categories
Previous article
Next article