ରାଞ୍ଚି: ଇଂଲଣ୍ଡ ବିପକ୍ଷ ୪ର୍ଥ ଟେଷ୍ଟ ମ୍ୟାଚରେ ଭାରତର ରୋମାଞ୍ଚକର ବିଜୟ ହୋଇଛି। ଇଂଲଣ୍ଡ ଦଳକୁ ୫ ୱିକେଟରେ ମାତ ଦେଇଛି ଭାରତୀୟ ଦଳ। ପାଂଚ ଟିକିଆ ସିରିଜରେ ଗୋଟିଏ ମ୍ୟାଚ ବାକି ଥାଇ ୩-୧ରେ ଆଗୁଆ ରହିଛି ଭାରତ। ଚତୁର୍ଥ ଟେଷ୍ଟର ଦ୍ୱିତୀୟ ଇନିଂସରେ ଭାରତୀୟ ସ୍ପିନର ମାନେ କମାଲ କରିଥିଲେ। ୧୯୨ ରନର ଟାର୍ଗେଟ କରି ପଡିଆକୁ ଓହ୍ଲାଇଥିଲେ ରୋହିତବାହିନୀ। ସୋମବାର ଖେଳ ଆରମ୍ଭରୁ ଅଧିନାୟକ ରୋହିତ ଶର୍ମା ଅର୍ଦ୍ଧଶତକ କରି ଆଉଟ ହୋଇଥିଲେ। ଏହାପରେ ନିୟମିତ ବ୍ୟବଧାନରେ ୱିକେଟ ହରାଇବା ପରେ ଶୁବମନ ଗିଲ୍, ଧ୍ରୁଜବ ଜୁରେଲ ଦମଦାର ଇନିଂସ ଖେଳିଥିଲେ। ସର୍ତକତା ସହ ବ୍ୟାଟିଂ କରି ଦଳକୁ ବିଜୟ ଆଡକୁ ନେଇଥିଲେ। ଶେଷ ପର୍ଯ୍ୟନ୍ତ ଅପରାଜିତ ଥିବା ଗିଲ୍ ଏବଂ ଧ୍ରୁବ ୫୨ ଓ ୩୯ରନ କରିଥିଲେ। ୫ ମ୍ୟାଚ୍ ବିଶିଷ୍ଟ ସିରିଜର ପ୍ରଥମ ମ୍ୟାଚରେ ଭାରତ ପରାଜିତ ହୋଇଥିବା ବେଳେ ପରବର୍ତ୍ତୀ ୩ଟି ମ୍ୟାଚରେ ହ୍ୟାଟ୍ରିକ ବିଜୟ ସହ ରୋହିତ ବାହିନୀ ସିରିଜ ହାତେଇଛି ।
Comments are closed.