ମାଉଣ୍ଟ ମୌଙ୍ଗନୁଇ: ନ୍ୟୁଜିଲାଣ୍ଡ ବିପକ୍ଷ ୩ୟ ଦିନିକିଆରେ ଭାରତ ପ୍ରାରମ୍ଭିକ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇଛି। ଦଳ ୬୨ ରନରେ ୩ ଉଇକେଟ୍ ହରାଇବା ପରେ ଶ୍ରେୟସ ଆୟାର ଏବଂ କେ.ଏଲ. ରାହୁଲ ସ୍ଥିତିକୁ ସମ୍ଭାଳିଥିଲେ। ଶ୍ରେୟସ ଆଉଟ ହୋଇଯିବା ପରେ ରାହୁଲଙ୍କ ସହ ମିଶି ମନୀଷ ପାଣ୍ଡେ ସ୍ଥିତି ସୁଧାରିଛନ୍ତି। ଦଳ ୩୮ ଓଭରରେ ୪ ୱିକେଟ ବିନିମୟରେ ୨୧୦ ରନ୍ ସଂଗ୍ରହ କରିଛି।
ନ୍ୟୁଜିଲାଣ୍ଡ ଟସ୍ ଜିତିବା ପରେ ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା। ଭାରତ ବ୍ୟାଟିଂ ଆରମ୍ଭ କରିବା ପରେ ମାତ୍ର ୮ ରନରେ ପ୍ରଥମ ୱିକେଟ ହରାଇଥିଲା। ପରେ ପରେ ୩୨ ରନରେ ଅଧିନାୟକ ବିରାଟ କୋହଲି ଏବଂ ୬୨ ରନରେ ପୃଥ୍ବୀ ଶ ଆଉଟ ହୋଇଯାଇଥିଲେ। ଏହା ପରେ ଶ୍ରେୟସ ଆୟାର ଏବଂ ରାହୁଲ ୧୦୦ ରନ୍ର ଭାଗିଦାରି କରି ଦଳର ସ୍ଥିତିକୁ ସୁଧାରିଥିଲେ। ମାତ୍ର ୩୦.୩ ଓଭରରେ ଶ୍ରେୟସ ଗ୍ରାଣ୍ଡହୋମଙ୍କ ବଲକୁ ଡିଫେନ୍ସ କରିବାକୁ ଯାଇ ୬୨ ରନରେ ଆଉଟ୍ ହୋଇଯାଇଥିଲେ। ମନୀଷ ପାଣ୍ଡେ ୨୧ ଏବଂ ରାହୁଲ ୭୪ ରନ୍ କରି ଅପରାଜିତ ରହିଛନ୍ତି।
