ଡେସ୍କ: ଆଜି ହେଉଛି ଆୟକର ଦିବସ। ଭାରତୀୟ ଆୟକର ବିଭାଗର ୧୫୦ ବର୍ଷ ପୂର୍ତ୍ତି ଉପଲକ୍ଷେ ୨୦୧୦ ମସିହାରେ ଏହି ଦିବସ ପାଳନ କରିବାକୁ ନିଷ୍ପତ୍ତି ନିଆଯାଇଛି। ୧୮୬୦ ମସିହାରେ ଦେଶରେ ପ୍ରଥମ ଆୟକର ଲାଭ କରାଯାଇଥିଲା। ସେହିବର୍ଷ ଜୁଲାଇ ୨୪ ତାରିଖରୁ ଆୟକର ଲାଗୁ କରାଯାଇଥିଲା। ଆଜି ବିଭିନ୍ନ ଜନସମ୍ପର୍କ କାର୍ଯ୍ୟକ୍ରମ ଜରିଆରେ ଏବଂ ଆୟକର ଦେୟ ବିକାଶ ପାଇଁ ଅନେକ କାର୍ଯ୍ୟକ୍ରମର ଆୟୋଜନ କରାଯାଇଛି। ପ୍ରତ୍ୟେକ ନାଗରିକମାନଙ୍କ ପାଇଁ ଆୟକର ପ୍ରଦାନ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ଜନସଚେତନତା ସୃଷ୍ଟି କରିବା ଲକ୍ଷ୍ୟରେ ଏହି ଦିବସ ପାଳନ କରାଯାଉଛି। ଠିକଣା ସମୟରେ କର ପ୍ରଦାନ କରି ଦେଶର ପ୍ରଗତି ପାଇଁ ଅବଦାନ ରଖିବାକୁ ଅନୁରୋଧ କରାଯାଇଛି। ନିରବଚ୍ଛିନ୍ନ ଭାବେ ଆୟକର ବିଭାଗକୁ ସମର୍ଥନ କରିବା ସଙ୍ଗେ ସଙ୍ଗେ ବିଭାଗ ପ୍ରତି ଆସ୍ଥା ପ୍ରକଟ କରିଥିବାରୁ ଲୋକମାନଙ୍କୁ କୃତଜ୍ଞତା ଜ୍ଞାପନ କରାଯାଇଛି। ଅର୍ଥମନ୍ତ୍ରୀ ନିର୍ମଳା ସୀତାରମଣ ତାଙ୍କ ବାର୍ତ୍ତାରେ ଆୟକର ବିଭାଗକୁ ବିଭିନ୍ନ ସଂସ୍କାରମୂଳକ ପଦକ୍ଷେପ କାର୍ଯ୍ୟକାରୀ କରାଯାଇଥିବାରୁ ପ୍ରଶଂସା କରିଛନ୍ତି। ସରକାରଙ୍କର ଆସ୍ଥାଭିତ୍ତିକ ଆଭିମୁଖ୍ୟକୁ ଗ୍ରହଣ କରିଥିବାରୁ ସେ କରଦାତାମାନଙ୍କୁ ମଧ୍ୟ ପ୍ରଶଂସା କରିଛନ୍ତି।
Popular Categories
Previous article
Next article