ଟୋରେଣ୍ଟ – କାନାଡାରେ ଖାଲିସ୍ତାନୀ ସମର୍ଥକମାନେ ଗୁରୁବାରରେ ମହାତ୍ମାଗାନ୍ଧିଙ୍କ ପ୍ରତିମୂର୍ତ୍ତୀକୁ ବିକୃତ କରିବା ସହ ଏଥିରେ ଖାଲିସ୍ତାନୀ ଚିହ୍ନ ବନାଇଥିବାର ଭିଡିଓ ବିଭିନ୍ନ ସୋସିଆଲ୍ ମଡିଆରେ ଘୂରିବୁଲୁଛି । ଖାଲିସ୍ତାନୀ ସମର୍ଥକମାନେ କାନାଡାର ଓଟାରିୟୌର ହମିଲ୍ଟିନ୍ର ସିଟିହଲ୍ ନିକଟରେ ଥିବା ୬ ଫୁଟର ପ୍ରତିମାରେ ବିଭିନ୍ନ ରଙ୍ଗ ସ୍ପ୍ରେ କରି ଏହାକୁ ବିକୃତ କରିଥିଲେ ।
ଏହାପରେ ସେମାନେ ସେଥିରେ ଖାଲିସ୍ତାନ ଚିହ୍ନ ତିଆରି କରିଥିଲେ । ଏହି ଘଟଣା ଜଣାପଡିବା ପରେ ସ୍ଥାନୀୟ ଅଧିକାରୀମାନେ ମହାତ୍ମାଙ୍କ ଏହି ପ୍ରତିମୂର୍ତ୍ତିକୁ ସଫା କରିବା ସହ ସେଠାରେ ଉପସ୍ଥିତ ଥିବା ସମସ୍ତ ଖାଲିସ୍ତାନ ସମର୍ଥକଙ୍କୁ ଘଉଡାଇ ଦେଇଥିଲେ । ଏହାର ଅଭିଯୋଗ ମିଳିବା ପରେ ସ୍ଥାନୀୟ ପ୍ରଶାସନ ଏହାର ତଦନ୍ତ କରୁଛି । ସେହିପରି କାନାଡାରେ ଥିବା ବିଭିନ୍ନ ମନ୍ଦିର କାନ୍ଥ ଉପରେ ଭାରତ ବିରୋଧି ମନ୍ତବ୍ୟ ଖାଲିସ୍ତାନୀ ସମର୍ଥକମାନେ ଲେଖିଥିବା ଦେଖିବା ପାଇଁ ମିଳିଛି ।
ଏହି ଘଟଣାରେ କାହାରିକୁ ଗିରଫ କରାଯାଇ ନାହିଁ ।
