ଡେସ୍କ: ଦକ୍ଷିଣ ଆଫ୍ରିକା କେନ୍ଦ୍ରୀୟ ଜୋହାନ୍ସବର୍ଗରେ ଏକ ୫ ମହଲା କୋଠାରେ ଅଗ୍ନିକାଣ୍ଡ ଘଟି ୭୩ ଜଣଙ୍କ ମୃତ୍ୟୁ ହୋଇଛି। ଆଜି ସକାଳେ ଘଟିଥିବା ଏହି ଅଗ୍ନିକାଣ୍ଡରେ ୪୩ରୁ ଅଧିକ ଲୋକ ଗୁରୁତର ଆହତ ହୋଇଥିବା ସୂଚନା ମିଳିଛି। ଦକ୍ଷିଣ ଆଫ୍ରିକାର ସରକାରୀ ପ୍ରସାରଣକାରୀ ସଂସ୍ଥା ପକ୍ଷରୁ କୁହାଯାଇଛି ଯେ ଅଗ୍ନିକାଣ୍ଡ ଘଟିବାର ଅଳ୍ପ ସମୟ ମଧ୍ୟରେ ନିଆଁକୁ ଆୟତ୍ତ କରିବାକୁ ଉଦ୍ୟମ ଆରମ୍ଭ ହୋଇଥିଲା। ସମ୍ପୃକ୍ତ ଅଂଚଳଟି ଏକ ବ୍ୟବସାୟିକ ପେଣ୍ଠ ହୋଇଥିବାରୁ ମୃତାହତଙ୍କ ସଂଖ୍ୟା ଅଧିକ ହୋଇପାରେ ବୋଲି ଆଶଙ୍କା ପ୍ରକାଶ ପାଇଛି।
ସେହି ୫ ମହଲା ବିଶିଷ୍ଟ ଆପାର୍ଟମେଣ୍ଟଟି ସେଠାକାର ମୁନିସିପାଲିଟି ଅଧୀନରେ ରହିଛି। ତେବେ ଅଧିକାରୀମାନଙ୍କ ଠାରୁ ମିଳିଥିବା ସୂଚନା ଆଧାରରେ ନିଆଁ ସମ୍ପୂର୍ଣ୍ଣ ଆୟତ୍ତ ହୋଇଥିଲେ ମଧ୍ୟ ଏବେ ମଧ୍ୟ ଧୂଆଁ ବାହାରୁଛି। ସେହି କୋଠାରେ ନିରାଶ୍ରୟ ଲୋକମାନଙ୍କୁ ଅସ୍ଥାୟୀ ଭାବେ ଥଇଥାନ କରାଯାଇଥିଲା। ପ୍ରାୟ ୨୦୦ ଅଧିକ ଲୋକ ସେହି ଆପାର୍ଟମେଣ୍ଟରେ ରହୁଥିଲେ।
Comments are closed.