୧୯୩୫ ସାଲେର ପୃଥିବୀବ୍ୟାପୀ ଯୁଦ୍ଧ ହେବ?
ଇଉରୋପ ଓ ଜାପାନ ମଧ୍ୟରେ ବିବାଦ
ଚୀନ୍ ସରକାରୀ ଲୋକଙ୍କ ଭବିଷ୍ୟବାଣୀ
କାଣ୍ଟନ୍,ତା୧୨।୩୩: ଏଠାର ଏକ ବିଶିଷ୍ଟ ପଦସ୍ଥ ସରକାରୀ କର୍ମଚାରୀ ଏବଂ ବିଉମିଂଟନ୍ ଦଳର ନେତା ମିଷ୍ଟର ଚାଉଲ୍ ଆସନ୍ତା ଯୁଦ୍ଧ ବିଷୟରେ ଗୋଟାଏ ଗୁରୁତର ଭବିଷ୍ୟତ ଘୋଷଣା କରିଛନ୍ତି। ସେ କହିଲେ-ଆସନ୍ତା ଯୁଦ୍ଧ ପ୍ରଶାନ୍ତ ମହାସାଗରରେ ହେବ ଏବଂ ୧୯୩୫ ସାଲରେ ଏ ଯୁଦ୍ଧ ଆରମ୍ଭ ହେବ; କାରଣ ସେତିକି ବେଳକୁ ଜାପାନ, ଆମେରିକା ଓ ଇଂଲଣ୍ଡ ନିଜ ନିଜର ପୂର୍ଣ୍ଣ ନୌଯୁଦ୍ଧବାହିନୀ ତିଆରି କରିସାରିଥିବେ।
ରୁଷିଆର ବିରାଟ ଆୟୋଜନ
ମାଟି ତଳେ ତଳେ ରେଳ
ମସ୍କୋ, ତା୧୨।୩୩: ଏଠା ଥିଏଟରପଡ଼ିଆରେ ଗୋଟାଏ ଛୋଟ ବଗିଚା ଥିଲା। ଗରମ ଦିନେ ଲୋକେ ରାତିରେ ଆସି ଏ ବେଞ୍ଚ ଉପରେ ବିଶ୍ରାମ ନିଅନ୍ତି। ଟ୍ରାମ୍, ମଟରର ଜଞ୍ଜାଳ ଭିତରୁ ଟିକିଏ ବିଶ୍ରାମ ନେବାର ଜାଗା ଏହିଠାରେ ଥିଲା। ଏବେ ଆଉ ସେ ସ୍ଥାନଟିକକ ନାହିଁ। ସେ ବଗିଚା ବର୍ତ୍ତମାନ ମାଟି ତଳେ ତଳେ ଯାଉଥିବା ରେଳ ଲାଇନର ପ୍ରଥମ ଷ୍ଟେସନ୍୍ରେ ପରିଣତ ହେଲାଣି। ରୁଷିଆ ରାଜ୍ୟ ମଧ୍ୟରେ ମାଟି ତଳେ ଗୁମ୍ଫା କରି ରେଳ ଲାଇନ୍ ଚଳାଇବା ଏହି ପ୍ରଥମ ଆରମ୍ଭ ହେଲା।
ମେଲେରିଆ
ଏ ଥାନାରେ ପ୍ରବଳ ମେଲେରିଆ ବରାବର ଲାଗିରହିଛି। କୌଣସି ଗାଁର ଲୋକମାନଙ୍କର ସ୍ବାସ୍ଥ୍ୟ ଭଲ ଥିବାର େଦଖାଯାଉନାହିଁ। ଜିଲାବୋର୍ଡ ଏଥିପ୍ରତି ଦୃଷ୍ଟି ଦେବେ କି?
