ନୂଆଦିଲ୍ଲୀ: ପାକିସ୍ତାନର ପ୍ରଧାନମନ୍ତ୍ରୀ ଭାବେ ପୂର୍ବତନ କ୍ରିକେଟିୟର ତଥା ଏବେର ରାଜନେତା ଇମ୍ରାନ୍ ଖାନ୍ ଅଗଷ୍ଟ ୧୮ ତାରିଖରେ ଶପଥ ଗ୍ରହଣ କରିବାର କାର୍ଯ୍ୟକ୍ରମ ଅଛି । ଶପଥ ଗ୍ରହଣ କାର୍ଯ୍ୟକ୍ରମରେ ସେ ଭାରତର ପୂର୍ବତନ କ୍ରିକେଟିୟର ସୁନୀଲ ଗାଭାସ୍କରଙ୍କୁ ଅଂଶଗ୍ରହଣ କରିବା ପାଇଁ ନିମନ୍ତ୍ରଣ କରିଥିଲେ । ମାତ୍ର ଏହି ଶପଥ ଗ୍ରହଣ ଉତ୍ସବରେ ସୁନୀଲ ଗାଭାସ୍କର ଅଂଶ ଗ୍ରହଣ କରିପାରିବେ ନାହିଁ ବୋଲି ସୂଚନା ଦେଇଛନ୍ତି ।
ଏବେ ଭାରତ ଓ ଇଂଲଣ୍ଡ ମଧ୍ୟରେ ଟେଷ୍ଟ ମ୍ୟାଚ ସିରିଜ ଚାଲିଛି । ଗାଭାସ୍କର ଭାଷ୍ୟକାର ଭାବେ ସେଠାରେ ଅଛନ୍ତି । ତେଣୁ ସେ ଶପଥ ଗ୍ରହଣ ଉତ୍ସବରେ ଅଂଶ ଗ୍ରହଣ କରି ପାରିବେ ନାହିଁ ବୋଲି କହିଛନ୍ତି । ଏଥିପାଇଁ ଗାଭାସ୍କର ତାଙ୍କର ଶୁଭେଚ୍ଛା ବାର୍ତ୍ତାକୁ ଇମ୍ରାନଙ୍କ ନିକଟକୁ ପଠାଇଥିବା କହିଛନ୍ତି ।