ଭୁବନେଶ୍ଵର : କରୋନା ଯୋଗୁଁ ରାଜ୍ୟରେ ଲକ୍-ଡାଉନ୍ ଅବଧିକୁ ଏପ୍ରିଲ ୩୦ ପର୍ଯ୍ୟନ୍ତ ବୃଦ୍ଧି କରାଯାଇଛି । ରାଜ୍ୟରେ ଦିନକୁ ଦିନ କରୋନା ଆକ୍ରାନ୍ତଙ୍କ ସଂଖ୍ୟା ବଢିବାରେ ଲାଗିଥିବାରୁ ମାସ୍କ ପିନ୍ଧିବାକୁ ବାଧ୍ୟତାମୂଳକ କରିଛନ୍ତି ରାଜ୍ୟ ସରକାର । ମାସ୍କ ପିନ୍ଧିବା ବାଧ୍ୟତାମୂଳକ ହୋଇଥିବା ବେଳେ ବର୍ତ୍ତମାନ ଏହାର ପ୍ରଭାବ ପେଟ୍ରୋଲ ପମ୍ପରେ ବି ପଡିବାକୁ ଯାଉଛି । ଏଣିକି ମାସ୍କ ନ ପିନ୍ଧିଲେ ପେଟ୍ରୋଲ ପମ୍ପରେ ମିଳିବନି ତେଲ । ରାଜ୍ୟର ସମସ୍ତ ପେଟ୍ରୋଲ ପମ୍ପରେ ଏହା ଲାଗୁ କରାଯିବ ବୋଲି ସୂଚନା ଦେଇଛନ୍ତି ଉତ୍କଳ ପେଟ୍ରୋଲ ପମ୍ପ ଡିଲର ସଂଘର ସାଧାରଣ ସମ୍ପାଦକ । ମହାମାରୀ କରୋନାରୁ ସୁରକ୍ଷା ପାଇଁ ରାଜ୍ୟ ଓ କେନ୍ଦ୍ର ସରକାର ବିିଭିନ୍ନ ପଦକ୍ଷେପ ନେଉଥିବା ବେଳେ ଉତ୍କଳ ପେଟ୍ରୋଲ ପମ୍ପ ଡିଲର ସଂଘର ଏହି ନିଷ୍ପତ୍ତି ଜନସାଧାରଣଙ୍କୁ ବହୁ ମାତ୍ରାରେ ସଚେତନ କରାଇବ ବୋଲି ସଂଘର ସାଧାରଣ ସମ୍ପାଦକ କହିଛନ୍ତି।
Comments are closed.