ହାଇଦ୍ରାବାଦ, ୨୬ା୧୦: ହାଇଦ୍ରାବାଦ ପୁଲିସ କମିସନର ଭି ସି ସଜ୍ଜନାର କହିଛନ୍ତି ଯେ ମଦ୍ୟପାନ କରି ଗାଡି ଚଲାଉଥିବା ଚାଳକ ଆତଙ୍କବାଦୀ ଏବଂ ସଡ଼କରେ ସେମାନେ ଆତଙ୍କ ଖେଳାଇଥାନ୍ତି। କୁରନୁଲ ବସ୍ ଦୁର୍ଘଟଣା ମାମଲାରେ ସେ ଏହି ମନ୍ତବ୍ୟ ଦେଇଛନ୍ତି। ସେ କହିଛନ୍ତି ଯେ ଏହା କୌଣସି ସାଧାରଣ ସଡ଼କ ଦୁର୍ଘଟଣା ନୁହେଁ, ବରଂ ଜଣେ ମଦ୍ୟପ ବାଇକ ଚାଳକର ଅବହେଳା ଯୋଗୁଁ ଅନେକ ନିରୀହ ପ୍ରାଣ ହରାଇଛନ୍ତି। ଦୁର୍ଘଟଣା ସମୟରେ ମଟର ସାଇକଲ ଚାଳକ ବି. ଶିବ ମଦ୍ୟପାନ କରି ଚଳାଉଥିଲା। ସିସିଟିଭି ଫୁଟେଜରେ ସେ ୨.୨୪ ମିନିଟ୍ ସମୟରେ ନିଜ ବାଇକରେ ପେଟ୍ରୋଲ ପକାଉଥିବାର ଦେଖିବାକୁ ମିଳୁଛି। କିଛି ସମୟ ପରେ ୨.୩୯ ମିନିଟରେ ସେ ନିୟନ୍ତ୍ରଣ ହରାଇବା ଫଳରେ ଭୟଙ୍କର ସଡ଼କ ଦୁର୍ଘଟଣା ହୋଇଥିଲା। କମିସନର କହିଛନ୍ତି ଯେ ହାଇଦ୍ରାବାଦରେ ମଦ୍ୟପ ଗାଡି ଚାଳକଙ୍କ ପାଇଁ ଶୂନ୍ୟ ସହନଶୀଳତା ନିୟମ ଲାଗୁ କରାଯିବ। ଖିଲାପକାରୀଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଏହା କେବଳ ଏକ ଭୁଲ୍ ନୁହେଁ, ଗୁରୁତର ଅପରାଧ। ସେମାନଙ୍କ ପାଇଁ ଦଣ୍ଡ ବାଧ୍ୟତାମୂଳକ ବୋଲି ସେ କହିଛନ୍ତି।
Popular Categories
Previous article
Next article