ଭୁବନେଶ୍ବର : ଭୁବନେଶ୍ୱର ଗଙ୍ଗପଡ଼ାସ୍ଥିତ ଜୁପିଟର ବିଜ୍ଞାନ ଉଚ୍ଚ ମାଧ୍ୟମିକ ବିଦ୍ୟାଳୟର ଛାତ୍ରଛାତ୍ରୀ ସି.ଏଚ୍.ଏସ୍.ଇ ପରିଚାଳିତ ଦ୍ୱାଦଶ ଶ୍ରେଣୀ ବିଜ୍ଞାନ ପରୀକ୍ଷାରେ ଉଲ୍ଲେଖନୀୟ ସଫଳତା ହାସଲ କରିଛନ୍ତି । ଅନୁଷ୍ଠାନର ପାସ୍ ହାର ଶତପ୍ରତିଶତ ରହିବା ସହ ୯୭ ପ୍ରତିଶତ ଛାତ୍ରଛାତ୍ରୀ ପ୍ରଥମ ଶ୍ରେଣୀରେ ଉତ୍ତୀର୍ଣ୍ଣ ହୋଇଛନ୍ତି। ତତ୍ ସହ ୩୯ ଜଣ ଶତକଡ଼ା ୯୦ ନମ୍ବର ରଖିଛନ୍ତି। ସେମାନଙ୍କ ମଧ୍ୟରୁ ଅଧିକାଂଶ ଦଶମ ପରୀକ୍ଷା ନମ୍ବରଠାରୁ ଉନ୍ନତ ପ୍ରଦର୍ଶନ କରିଛନ୍ତି।
ନୟାଗଡ଼ର ସୁଶ୍ରୀ ଦୀପିକା ପାଲ୍ ୯୫.୫ ପ୍ରତିଶତ ନମ୍ବର ରଖି ପ୍ରଥମ ସ୍ଥାନ ଓ ଖୋର୍ଦ୍ଧାର ଶ୍ରୀମାନ ଅବିନାଶ ମହାପାତ୍ର ୯୩.୩ ପ୍ରତିଶତ ନମ୍ବର ରଖି ବିଦ୍ୟାଳୟରେ ଦ୍ବିତୀୟ ସ୍ଥାନ ଅଧିକାର କରିଛନ୍ତି। ଗଣିତରେ ୭ ଜଣ ଶତ ପ୍ରତିଶତ ଏବଂ ଓଡ଼ିଆରେ ପୁରୀ, କଣାସର ସୁଶ୍ରୀ ସୁସ୍ମିତା ପରିଡ଼ା ପ୍ରଥମ ଥର ପାଇଁ ଶତ ପ୍ରତିଶତ ନମ୍ବର ରଖି ବିଦ୍ୟାଳୟ ପାଇଁ ଗୌରବ ଆଣିଦେଇଛନ୍ତି। ଏହି ସଫଳତାରେ ଅନୁଷ୍ଠାନର ସଭାପତି ବିରଞ୍ଚି ନାରାୟଣ ପଣ୍ଡା ତଥା ପରିଚାଳନା ସମିତିର ସଦସ୍ୟବୃନ୍ଦ, ଶିକ୍ଷକ-ଶିକ୍ଷୟିତ୍ରୀ ଓ କର୍ମକର୍ତ୍ତାଙ୍କୁ ସାଧୁବାଦ ଜଣାଇବା ସହ ଛାତ୍ରଛାତ୍ରୀଙ୍କ ଉଜ୍ବଳ ଭବିଷ୍ୟତ କାମନା କରିଛନ୍ତି।
ସୁରକ୍ଷା କର୍ମୀ-ମାଓବାଦୀ ଗୁଳି ବିନିମୟ: ଦୁର୍ଦ୍ଧାନ୍ତ ମାଓନେତା ବାସବରାଜ ସମେତ ୩୦ ନିହତ, ଜଣେ ଯବାନ ସହିଦ
