ନୂଆଦିଲ୍ଲୀ : ଯଦି ଆପଣ ସ୍ପୋର୍ଟି ଓ ଆଡଭେଞ୍ଚର-ଟୁରିଂ ବାଇକ୍ ଖୋଜୁଛନ୍ତି ତେବେ ହୋଣ୍ଡା ଏନଏକ୍ସ ୨୦୦ ଆପଣଙ୍କ ପାଇଁ ଏକ ଉତ୍ତମ ବିକଳ୍ପ ହୋଇପାରେ । ହୋଣ୍ଡା ଏହାକୁ ଭାରତରେ ୧.୬୮ ଲକ୍ଷ ଟଙ୍କା (ଏକ୍ସ-ଶୋରୁମ୍) ଦାମରେ ଲଞ୍ଚ୍ କରିଦେଇଛି । ନୂଆ ବାଇକରେ ଟିଏଫଟି ଡିସପ୍ଲେ ଓ ଡୁଆଲ ଚ୍ୟାନେଲ୍ ଏବିଏସ୍ ଭଳି ଅନେକ ଫିଚର୍ସ ରହିଛି।
ହୋଣ୍ଡା ନିଜ ଲୋକପ୍ରିୟ ସିବି୨୦୦ଏକ୍ସକୁ ଏନଏକ୍ସ୨୦୦ ନାଁରେ ପରିବର୍ତ୍ତନ କରିଛି । ଏହି ବାଇକରେ ଟିଏଫଟି ଇନଷ୍ଟ୍ରୁମେଣ୍ଟ କ୍ଲଷ୍ଟର ଦିଆଯାଇଛି ଯେଉଁଥିରେ ବ୍ଲୁଟୁଥ୍ କନେକ୍ଟିଭିଟି ମଧ୍ୟ ରହିଛି । ଏଥିରେ ରାଇଡର୍ସଙ୍କୁ କଲ୍/ମେସେଜ୍ ଆଲର୍ଟ ଭଳି ସ୍ମାର୍ଟ ଫିଚର୍ ମିଳିବ । ଡୁଆଲ ଚ୍ୟାନେଲ୍ ଏବିଏସ୍ ସହ ଉତ୍ତମ ବ୍ରେକିଂ ଓ କଣ୍ଟ୍ରୋଲ ମିଳିବ ।
ଏଥିରେ ୧୮୪ ସିସି ବିଶିଷ୍ଟ ସିଙ୍ଗଲ-ସିଲିଣ୍ଡର ଇଞ୍ଜିନ ଦିଆଯାଇଛି । ତେବେ ଏଥିରେ ପୂର୍ବ ଭଳି ପାଓ୍ବର ମିଳିବ । କିନ୍ତୁ ବାଇକ କେତେ ମାଇଲେଜ୍ ପ୍ରଦାନ କରିବ ସେ ସମ୍ପର୍କରେ କୌଣସି ସୂଚନା ଦେଇନି କମ୍ପାନୀ । ହୋଣ୍ଡାର ପ୍ରିମିୟର ଡିଲରସିପରେ ଏହାର ବୁକିଂ ଆରମ୍ଭ ହୋଇଯାଇଛି । ତେବେ ମାର୍ଚ୍ଚରୁ ଏହାର ଡେଲିଭରୀ ଆରମ୍ଭ ହେବା ଅନୁମାନ କରାଯାଉଛି ।
Comments are closed.