କଟକ: ହୋଲି ଖେଳିବା ପରେ ରାଜ୍ୟର ବିଭିନ୍ନ ସ୍ଥାନରେ ଅଘଟଣ ଘଟି ୪ ଜଣଙ୍କର ମୃତ୍ୟୁ ହୋଇଛି । କଟକ ବାଙ୍କୀ ଅନ୍ତର୍ଗତ କାଳିକା ପ୍ରସାଦ ଘାଟରେ ହୋଲି ଖେଳି ସାରିବା ପରେ, କୁଶପଙ୍ଗୀ ଗ୍ରାମର ରାଜା ସ୍ୱାଇଁ ଗାଧଉଥିବା ବେଳେ ବୁଡିଯାଇଥିଲେ । ବୁଡିଯିବା ପରେ ତାଙ୍କର ମୃତ୍ୟୁ ହୋଇଥିବା ସୂଚନା ମିଳିଛି ।
ସେହିପରି କେନ୍ଦୁଝରରେ ହୋଲି ଖେଳିସାରି ଫେରୁଥିବା ବେଳେ ସଡକ ଦୁର୍ଘଟଣାରେ ୨ ଜଣଙ୍କର ମୃତ୍ୟୁ ହୋଇଛି । ଢେଙ୍କିକୋଟ ନିକଟରେ ଏହି ଦୁର୍ଘଟଣା ଘଟିଛି ।
ଅପରପକ୍ଷରେ ହୋଲି ଖେଳ ପରେ ବ୍ରହ୍ମପୁର ଗୋପାଳପୁର ସମୁଦ୍ରରେ ଗାଧୋଉଥିବାବେଳେ ୩ଜଣ ଛାତ୍ର ଭାସିଯାଇଥିଲେ। ସେମାନଙ୍କ ମଧ୍ୟରୁ ଉଦ୍ଧାର ଜଣେ ଛାତ୍ରଙ୍କ ମୃତ୍ୟୁ ଘଟିଛି। ମୃତକଜଣକ ହେଲେ ଟି ସିଦ୍ଧାନ୍ତ ପାତ୍ର । ଅପରପକ୍ଷରେ ଅନ୍ୟ ୨ ଛାତ୍ର ଡି.ହିତେଶ ଓ ଏ. ଲୋକେଶ ନିଖୋଜ ରହିଛନ୍ତି।
