ଗୁରୁଡିଝାଟିଆ : ଗାଁ-ଗାଁରେ ଓ ବିଭିନ୍ନ ଜିଲ୍ଲାମାନଙ୍କରେ ଶ୍ରୀରାମଲୀଳାର ପ୍ରଚାର ପ୍ରସାର କରିବା ଦିଗରେ କଖଡି ଗ୍ରାମବାସୀଙ୍କ ଅକୁଣ୍ଠ ସହଯୋଗ ଓ ପ୍ରେରଣା ପାଇଁ ମା’ ହିଙ୍ଗୁଳାୟୀ ରାମଲୀଳା ପ୍ରଚାର ସମିତିର ଏକ ସ୍ୱତନ୍ତ୍ର ବୈଠକ ଜରିଆରେ କୃତଜ୍ଞତା ଜ୍ଞାପନ କରିବା ସହ ଆଗକୁ ବଢିବାର ଆଶୀର୍ବାଦ ଭିକ୍ଷା କରିଥିଲେ। ଗ୍ରାମର ସମସ୍ତ ମୁରବୀ ଅଞ୍ଚଳବାସୀଙ୍କ ଶ୍ରଦ୍ଧା ଓ ସହଯୋଗ ପାଇଁ ଅନୁଷ୍ଠାନ ଚଳିତବର୍ଷ ଶ୍ରୀକୋରୁଆ, କୟଳପଡା, ବ୍ରହ୍ମପୁର, କଟକ, ପୋତାପୋଖରି ଆଦି ସ୍ଥାନରେ ଲୀଳା ପରିବେଷଣ କରିଥିବା ବେଳେ ଅନୁଷ୍ଠାନର ସୁବର୍ଣ୍ଣ ଜୟନ୍ତୀ ଉତ୍ସବକୁ ମଧ୍ୟ ଅତି ସରସ ସୁନ୍ଦର ଭାବେ ସମାପନ କରିଥିଲେ। ଗାଁ ସଭାପତି ଦିଲ୍ଲିପ କୁମାର ଛତାରଙ୍କ ଅଧ୍ୟକ୍ଷତାରେ ଆୟୋଜିତ ଏହି ବୈଠକରେ ଅନୁଷ୍ଠାନର ସଭାପତି ମାୟାଧର ଦଳାଇ, ନିର୍ଦ୍ଦେଶକ କୁବେର ଚରଣ ସାହୁ, ସରପଞ୍ଚ କଳ୍ପନା ଛତାର, ପୂର୍ବତନ ସରପଞ୍ଚ ଭାଗିରଥି ସାହୁ, ନରେନ୍ଦ୍ର ସାହୁ, ଚନ୍ଦ୍ରଶେଖର ପରିଡା, ସୁଶାନ୍ତ ମୁଦୁଲି, ଆଶୁତୋଷ ପରିଡା, ସଦାନନ୍ଦ ସାହୁ, ବ୍ରଜରାଜ ଖଟୁଆ, ସୁରେନ୍ଦ୍ର ମହାନ୍ତି ଓ ସନାତନ ମହାନ୍ତି ପ୍ରମୁଖ ଯୋଗଦେଇ ଆଲୋଚନାରେ ଅଂଶଗ୍ରହଣ କରି ଉପରୋକ୍ତ ମତପ୍ରକାଶ କରିବା ସଂଗେ ସଂଗେ ଆଗାମୀ କାର୍ଯ୍ୟପନ୍ଥା ସଂର୍ପକରେ ଖସଡା ପ୍ରସ୍ତୁତ କରିଥିଲେ।
Comments are closed.