ନୂଆଦିଲ୍ଲୀ : ଜଣେ ଛାଡ଼ପତ୍ନୀ ନିଜର ପୂର୍ବତନ ସ୍ୱାମୀ ଏବଂ ତାର ନବବଧୂକୁ ଅପହରଣ କରାଇ ଗଣବଳାତ୍କାର ଭଳି ଅପରାଧ ଭିଆଇବା ଘଟଣା ଦେଶ ବ୍ୟାପୀ ଚର୍ଚ୍ଚାର ବିଷୟ ହୋଇଛି। ଏହା ହରିୟାଣାର ଅମ୍ବଲା ଜିଲାରେ ବୁଧବାର ଦିନ ଘଟିଛି। ଶୁକ୍ରବାର ପୁଲିସ୍ ଘଟଣାର ପର୍ଦ୍ଦାଫାସ କରିଛି। ପୀଡ଼ିତାର ସ୍ୱାମୀଙ୍କ କହିବା ଅନୁସାରେ ସେ ୫ ବର୍ଷ ତଳେ ଗୁରୁଗ୍ରାମର ଅଭିଯୁକ୍ତା ଜଣଙ୍କୁ ବିବାହ କରିଥିଲେ। ହେଲେ ସାଂସାରିକ ଜୀବନ ଠିକ୍ ନ ଚାଲିବାରୁ ଗତ ବର୍ଷ ଡିସେମ୍ବର ମାସରେ ସେ ନିଜ ପତ୍ନୀକୁ ଛାଡ଼ପତ୍ର ଦେଇଥିଲେ। ତେବେ ସପ୍ତାହେ ତଳେ ସେ ଆଉ ଏକ ବିବାହ କରିଥିଲେ। ହେଲେ ତାଙ୍କ ପୂର୍ବତନ ପତ୍ନୀ ପ୍ରତିଶୋଧ ପରାୟଣ ହୋଇ ତାଙ୍କୁ ଓ ନୂଆ ପତ୍ନୀକୁ ତାଙ୍କ ଘରୁ ବନ୍ଧୁକ ଦେଖାଇ ଅପହରଣ କରି ନେଇଥିଲେ। ପାନିପଥରେ ତାଙ୍କ ପତ୍ନୀଙ୍କୁ ଗଣବଳାତ୍କାର କରାଯାଇଥିଲା। ଏହି ଅପହରଣରେ ଅଭିଯୁକ୍ତାର ପରିବାର ଲୋକେ ସାମିଲ ଥିଲେ। ପୁଲିସ୍ ଏହି ମାମଲାରେ ଗୁରୁଗ୍ରାମରୁ ଜଣଙ୍କୁ ଗିରଫ କରିଛି।
