ନୂଆଦିଲ୍ଲୀ: ଖୁବ୍ ଶୀଘ୍ର ଭାରତରୁ ଆଉ କିଛି ଦେଶକୁ ଯାତ୍ରୀବାହୀ ବିମାନ ଚଳାଚଳ ଆରମ୍ଭ କରିପାରେ । ବେସାମରିକ ବିମାନ ଚଳାଚଳ ମନ୍ତ୍ରୀ ହରଦୀପ ସିଂହ ପୁରୀ ଭାରତ ଦ୍ବିପାକ୍ଷିକ ବିମାନ ଚଳାଚଳ ନିମନ୍ତେ ୧୩ ଦେଶ ସହ କଥାବାର୍ତା କରୁଥିବା ସୂଚନା ଦେଇଛନ୍ତି । ଏହାକୁ ଅସ୍ଥାୟୀ ବ୍ୟବସ୍ଥା (ଏୟାର ବବଲ) କୁହାଯାଉଛି । ଏହି ଦେଶ ମଧ୍ୟରେ ଅଷ୍ଟ୍ରେଲିଆ, ଜାପାନ, ସିଙ୍ଗାପୁର ପରି ଦେଶ ରହିଛନ୍ତି ।
We continue to further strengthen the reach & scope of VBM. Air Travel arrangements are already in place with USA, UK, France, Germany, UAE, Qatar & Maldives.
We are now taking these efforts forward & are negotiating with 13 more countries to establish such arrangements.
— Hardeep Singh Puri (@HardeepSPuri) August 18, 2020
ଶ୍ରୀ ପୁରୀ ନିଜ ଟ୍ବିଟରରେ ଏ ସମ୍ପର୍କରେ ସୂଚନା ଦେଇଛନ୍ତି । ସେ କହିଛନ୍ତି ଯେ ପଡ଼ୋଶୀ ଶ୍ରୀଲଙ୍କା, ବାଂଲାଦେଶ, ଆଫଗାନୀସ୍ଥାନ, ନେପାଳ, ଭୁଟାନ ସହ ମଧ୍ୟ ଏପରି ବିମାନ ଚଳାଚଳ ନିମନ୍ତେ ପ୍ରସ୍ତାବ ରହିଛି । ଜୁଲାଇ ମାସରେ ଏପରି ବିମାନ ଚଳାଚଳ ନିମନ୍ତେ ଆମେରିକା, ଇଂଲଣ୍ଡ, ଫ୍ରାନ୍ସ,ଜର୍ମାନ, ୟୁଏଇ, କାତାର ଓ ମାଳଦ୍ବୀପ ସହ ବୁଝାମଣା ହୋଇଛି । ଆମେ ଏପରି ପ୍ରସାୟକୁ ନେଇ ଆଗକୁ ଯାଉଛୁ । ଅଷ୍ଟ୍ରେଲିଆ, ଇଟାଲୀ, ଜାପାନ, ନ୍ୟୁଜିଲାଣ୍ଡ, ନାଇଜେରିଆ, ବାହାରିନ, ଇସ୍ରାଏଲ୍, କେନିଆ, ଫିଲିପାଇନ୍ସ, ରୁଷ, ସିଙ୍ଗାପୁର, ଦକ୍ଷିଣ କୋରିଆ ଓ ଥାଇଲାଣ୍ଡ ସହ ବିମାନ ଚଳାଚଳ ଯୋଜନା କରାଯାଉଛି ।
These countries include Australia, Italy, Japan, New Zealand, Nigeria, Bahrain, Israel, Kenya, Philippines, Russia, Singapore, South Korea & Thailand.
The ongoing negotiations will benefit stranded Indians & nationals of these countries.
— Hardeep Singh Puri (@HardeepSPuri) August 18, 2020
କରୋନା ସଂକ୍ରମଣକୁ ଦୃଷ୍ଟିରେ ରଖି ଗତ ମାର୍ଚ ୨୩ ତାରିଖରୁ ଭାରତରୁ ଆନ୍ତର୍ଜାତିକ ବିମାନ ଚଳାଚଳ ବନ୍ଦ କରାଯାଇଛି । ଏ ସମ୍ପର୍କରେ ଶ୍ରୀ ପୁରୀ କହିଛନ୍ତି ଯେ ଭାରତ ଏହି ଦେଶଗୁଡ଼ିକ ସହ ଅନ୍ୟ ଦେଶ ସହ ଦ୍ବିପାକ୍ଷିକ ବିମାନ ଚଳାଚଳ ବ୍ୟବସ୍ଥା କାର୍ଯ୍ୟକାରୀ କରିବାକୁ ବିଚାର କରୁଛି । ଆମ ଦେଶର ନାଗରିକମାନେ ଅଟକି ରହିଥିବା ଦେଶ ସହ ଏ ସମ୍ପର୍କରେ ଆଲୋଚନା କରାଯାଉଛି ।
